ياهاجسي

[كرسي مدرسة]

[align=center]ياهاجسي غن طاروق الشعر غنه /// الحق على مابقا والا العمر فاني .

وياصدري اصبر مثل صبري عن الونه /// ياطول صبرك علي وشين ماجاني .

يلج فيك الحزن واخفيه واكنه /// والا بغيت اشتكي ماطاوع لساني .

وانا الذي لو ظروف الوقت حدنه /// يموت مايشتكي لفلان وفلاني .

من سبة اللي عشقته من صغر سنه /// اتناه يكبر مثل ماكان يتناني .

كنه خلق مني وكني بعد منه /// والله مدري من اللي يعيش في الثاني .

ابيه وأقدره واغليه واحنه /// مثل ماهو يرخص الدنيا على شاني .

كم واحدن ماغدت بقعا على ظنه /// لو هو على الكيف ماقفا وخلاني .

نبغا من الحظ والله ماعطا منه /// ياما تمنيت وهو ياما تمناني .

يسوقني خافقي للوصل واعنه /// ولولا غلا صاحبي ماكان عناني .

من اول يزورني ماحدن درى عنه /// واليوم عذره بلاي عيال عماني .

يابو علي صار لامن مرني كنه /// يستعجل بخطوته لاجل يتعداني .

واجيه واقدامي اللي كل ماجنه /// يردها سلم ابوي وسلم جداني .

العين في شوفته لامر ممتنه /// ياجعل يسقا علي قدام يجفاني .

الهجر طول وقدني مبطين منه /// واخاف اذا زيد جا ماعاد يلقاني .

القلب يصبر على فرقاه لكنه /// الا طرالي وانا في الليل سراني .

ان كنت انا غالي (ن)في ناظره فانه /// غلاه يجري مع دمي وشرياني .

لاصار مابه عشم لإبليس في الجنه /// احسن لي اعيش باقي العمر وحداني .

ولو سج مني عساني ماخلا منه /// والله مانساه كود الموت ينساني .[/align]