((( عياااال مطير)))

[فواز الشمري]

[align=center]بسم الله الرحمن الرحيم

اخواني واخواتي اعضاء هذا الصرح الشامخ اليكم هذه القصيده المتواضعه

والتي كتبتها كرد ثناء للملازم \ بندر بن سلطان الدويش

والملازم اول\ لافي بن صقر المطيري

فهم يستاهلون اكثر من هذه المتواضعه ....................تفضلو [/align]
[poem=font="Simplified Arabic,4,white,normal,normal" bkcolor="transparent" bkimage="backgrounds/3.gif" border="none,4,gray" type=1 line=0 align=center use=ex num="0,black"]
يالله ياللي نرتجي مدة لّه
= مدة عفو ماهي بمدة دنانير
ياواحدٍ كل البشر تحتكم له
= بيومٍ معاد تفيد فيه المعاذير
من بعد ذكرك قال من جايز لّه
= مدح الرجال الطيبين المناعير
ياراكب اللي تعجبك سكبة لّه
= لو قيمته مليون مابه مخاسير
فكسار يالبّيه ياوقفة لّه
= كل المواتر عند خشمه مثابير
الله واكبر ماحلا فزة لّه
= ويازين زوله بالفياض المخاضير
زين الجناح وماحلا فتحة لّه
= عليك به ياداهمتك المشاوير
ياراكبه افحص وفلّل وتلّه
= تاصل عيال مطير حمر النواظير
مر الذي ماتنسي فزعة لّه
= بندر ولد سلطان نسل المشاهير
لو تنشد التاريخ عن ماضي لّه
= من دور جدانه يقود الطوابير
انا الذي في فزعته شاهد لّه
= نسل الدويش اهل السيوف الشواطير
اقصى حدود المرجله واصل لّه
= شيخٍ ورثها من نتاج المساطير
وميّل على لافي صقر في محلّه
= يفرح ليا جوه النشاما مسايير
الشيخ يامنك بغيته تدلّه
= ذيبٍ بحزات الضروف المعاسير
انشهد انه كاسب الطيب كلّه
= يستاهل المطنوخ زين التعابير
عز الله انك يانخيته تفلّه
= ابن الرجال اهل الدلال المباهير
من لابةٍ فعل الكرم عادة لّه
= قومٍ على العدوان مثل السواطير
ياجيت للشجعان قلّه وقلّه
= سلام مني عد نبت النواوير
قل فزعة الاجواد منساه للّه
= الله ينسى الجاحدين النواكير
وصلاة ربي عد من ساجد لّه
= على رسولٍ خصّنا بالتباشير [/poem]
[align=center]وسلامتكم [/align]