السلام عليكم
للواحد اللي وسع الكون كرسيه
الله على عالم(ن)باليـل سهرانـه
واذا اصبحت جثة(ن)فالبيت مرميه
من السهر العيون آتقـول رمانـه
رمانتن من سموم القيض مشويـه
لوتسئله ماعرف ابـوه وخوانـه
يقول مدري لكن الوضـع حريـه
مختل فكره بعد مختـل ميزانـه
غير اسلوم العرب بفـلام هنديـه
فيها يسوي بطل ويحرك السانـه
وازرى يعدل حيات(ن)فيه ملويـه
لامسى عليه الظلام ايفـك بيبانـه
بدا نشاطه على شكـل الحراميـه
والناس نامت وكلن صك دكانـه
خالف جميع البشر بوقات عكسيه
الرجل مثل الكتاب يبين عنوانـه
وبعض العناوين فى التاريخ منسيه
اليل ربي جعله البـاس سبحانـه
لكل كائن يعيـش بنفسـه الحيـه
يرتاح بعد العنـا ويريـح ابدانـه
لاقام بفروض ربه واحسن النيـه
الله جعل النهار بحكـم سلطانـه
معاش للخلق فى الروحات والجيه
المسلم اللي يقيم الديـن واركانـه
في الارض ساكن واهدافه سماويه
لله شكوى هموم العبـد واحزانـه
للواحد اللي وسع الكون كرسيـه
اتمنى ان تنااال على رضاااكم