مساء الخير باخوي الغالي الشعبان ولجميع الحضور وفكرة رائعة كعادتك الله يخليك لنا ..... تجربة إنسانية معقدة … وهو أخطر وأهم حدث يمر في حياة الإنسان لانه يمس صميم شخصيته وجوهره ووجوده .. فيجعله يشعر وكأنه ولد من جديد ..
انه الحب ....
تدرون عاد بالتعريف السابق ممكن اصدقه لكن كأنه ولد من جديد هذي مانيب مقتنع فيها ....! لاني كنت اقراء هذا التعريف لاحد الشباب اللي قلوبهم خضر قال لي : على هالتعريف ابشرك كل يوم اولد من جديد ...! قلت واحلالاه يالهيئة اللي تربيك من جديد
هلا وغلا بخوي الغالي تواجدك ينعش الروووح
والظاهر ان المراهقة المتأخرة جتك بس تماكن روووحك لا تكلب على ام العيال تراهم يمدحوووون المسفااار هههه
الحب المتجدد هو المصيبة الاكبر هههههه نتمنى للجميع الحب والمحبة
وياليت تسمع قصيدة ابن شلحاط الغزل وشف كيف التوصيف (عن طريق قوقل تجدها )
مانـي متابع للسيـاسة والأخبــار
ولا همـني أوباما ولافوز ماكـــيـن
ولا همني وش قال حسني وبشار
وما همني لو زادوا الهند والصين
وما همني لو سوق الأموال منهار
وماهمني لو كان خسروا ملايـين
ماهمني الا راتبي ذا الشهر طــار
كله صرفته يوم خمسة وعشرين
بعثرت مدخولي على يمين ويسـار
وقعدت وعيالـي نصفّـق بـكفــين
1300 عـلـى طـــول فــ إيــجــــار
و400 مصروف جوال في زين
و 1150 في شــركـــة إعـــمــار
قرض ٍ أخذته وشفطـوه الشياطين
و1100 تجديد وأتعـاب سـمــسار
عندي استمارة مطوفة حول عامين
و400 فــاتــورة المــاء والأنـوار
حـتـى ولـو كـنّـا للأنــوار مـطـفـيـن
وأمــا 800 بـســوي بها الــكــار
سـيارة ٍ جـربـا ثــلاث وثــمـانـيــن
لا شـمـة الراتـب يجـيها كـما الزار
تنـفض مكيـنتها كما نـفض بوكليـــن
وام العيال تـصـيح يا زوجي البار
هذا الشهر عندي في القصر عرسين
احتاج انا فستان من عشرة امتـار
وأفصـله يا فـالح الـراي بـألفــــيـــن
وأخر مئة بتروح في جيب كومار
الحارس الهندي عسى فـاله الشـيـن
ويقـول ما تـكفـيـه للفـلفـل الحــار
زعلان يبغى فوقها زود خـمســـيــن
وزادت معانـاتـي مع زود الأسـعار
أصبح مثل ما قيل طاق ٍ بطاقـيــــن
أزمة مسـويها مــداهن وتــجـــــار
وراحوا ضحيتها الضعوف المساكين
منـحاش من نـار ٍ وطـبيـت في نار
ويا ويل حـظ اللي وقــع بيـن نـاريـن
وإن الجمل صابر على الضيم صبّار
وان طاح تكثر في جنوبه سكاكـين
أبديت ما في الصدر من هم واسرار
بأقولها واخلي الخافي يــبـيــــن
يا شيوخنا لا لا تغضون الأبصار
صار المواطن يشكي العسر والدين
وانتم به ادرى ياطويلين الأعمار
بالله عليكم شوفوا الوضع بالعين
مما راق لي
ايه الله يعين علي هالراتب وش ترضي يعرضي الكل ما يعذر لا ام ولا اب ولا زوجه ولا اولاد حتي عمنا الراجحي يبي يخصم الاقساد طيب لا تخصم حنا برمضان وعلي وجه العيد السعيد ماهو براضي .