السلام عليكم
عندي مداخله بسيطه للجميع
واتمنى الشخص يعي ما اقوله ويركز زين
صراحه انا مايهمني المجلس البلدي
ولا طقيت له خبر لامن قريب ولامن بعيد
ولكن عندي استفسار بسيط بس
كلنا شاهدنا بالايام الماضيه ماحصل بحفر الباطن
جراء الانتخابات للمجلس البلدي
كل شخص يمدح بالثاني وكل شخص يمدح بقبيلته وكلن يقول الزين عندي وقرب والمجلس البلدي الذي لن يساهم حتى ولو بقليل بتطور حفر الباطن بل اجزم بذلك وانتم عارفين هالشيء ودليل ذلك المجلس البلدي وانتخاباته التي حصلت بالاعوام الماضيه يعني ليه نكذب على انفسنا ونصفق ونمدح من لاشيء لكن هالناس طايره بالعجه ومع الخيل ياشقراء والله ماهم عارفين الصح من الخطأ ومع الاسف هذا حالنا بحفر الباطن ولاراح نتطور دام هذا محدود فكرنا بتطور محافظتنا
ويقولون حفر الباطن ليه ماتربع ومتى علمها بالربيع والامطار
مايدرون ان الحسد والتطبيل والمدح والمجامله هي سبب القحط وقلة الامطار !!
عموماً استفساري ياترى لو يأتي يوم ويصير ترشيح بأمارة حفر الباطن ويكون الترشيح من اهالي حفر الباطن ومن نفس الاهالي ياترى وش راح يصير اتوقع راح تصير حرب عالميه
والسلام عليكم .