اتصل بادارة الموقع البحث   التسجيل الرئيسية

 


العودة   منتديات عاصمة الربيع > القسم الادبي > مشــــاعر الــــروح > القصائد المنقولة والمسموعة

القصائد المنقولة والمسموعة خاص بالقصائد المنقولة والمسموعة والتي اعجبت ناقلها

إضافة رد
 
أدوات الموضوع انواع عرض الموضوع
قديم 11-06-11, 10:14 AM   رقم المشاركة : 1
$ المهندس $
عضو نشط
الملف الشخصي






 
الحالة
$ المهندس $ غير متواجد حالياً

 


 

صــــــوت وصــــــدى

هذه ابيات للشاعر / عبيد بن جفين العبيوي

صوت ...


يادار فيك من الليالي تخاليف
ليه الرسوم الماضيه ماحياتي

بيت الشعر ماعاد يذكر ولا شيف
مثل الغريب اللي عليه الجناتي

ياما جرا له في زمانه من الكيف
لا شيد(ن) له بالكسور البناتي

ماهو ببيت(ن) عامله بالتكاليف
دين(ن) تلوابه حياة ومماتي

بيت الشعر له ميزة(ن) بالتواصيف
ماصك بيباته عن الموجباتي

انا اشهد انه كيفة(ن) ياهل الكيف
اليا بنيته في حروف النباتي

ياحيف يانزّالة البر ياحيف
قمتوا تجرون الصنادق هواتي

مامن حلا لو حط فيها زخاريف
كثر البدع لـ هل السنن معمساتي

0
0

صدى ... للشاعر / نواف العبيوي0
0
.


بنات فكري طوّحن بالغطاريف
هيضهن اللي في كلامه طراتي

يقول تالي وقتنا به عجاريف
ماتت علوم(ن) مبطيه بالرواتي

بيت الشعر بعيوننا كنه الضيف
قمنا نرحبه وشوفه مناتي

لا جيت جو(ن) مخضر(ن) شفت له طيف
تذكر زمان سنينك الماضياتي

تذكر شديد البدو في تالي الصيف
واهل الهوى من بينهم جا شتاتي

اليا بدو من فوق ضمر السراجيف
وتوادعوا والعين فيها عبراتي

اللي نوى الصمان واللي نوى السيف
واللي نوى الرحله لشط الفراتي

والا زمان اليوم هذا زمن زيف
ويارب تستر من عنى المقبلاتي

الناس صارت للدراهم ملاهيف
وقامت تفاخر بالذهب والغناتي

اللي من اول مادريبه ولا شيف
اليوم شيخ وفوق متنه عباتي


منقــــووووول







رد مع اقتباس
إضافة رد

مواقع النشر (المفضلة)

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:09 PM


Powered by vBulletin® Copyright ©2000 - 2024, Jelsoft Enterprises Ltd.
تعريب :عاصمة الربيع

تصميم وتطوير سفن ستارز لخدمات الاستضافة والتصميم