أعزائي الاعضاء
أقدم لكم هذه القصيده علها تحوز على رضاكم وتصل لكعب ذوقكم الرفيع
[poem=font="Simplified Arabic,5,white,bold,normal" bkcolor="transparent" bkimage="backgrounds/28.gif" border="none,4,gray" type=2 line=1 align=center use=ex num="0,black"]
يا ليال العمر ماأبغي من جنابك غير ليله = أهتني فيها وفيها اتمتع لو ثواني
العمر عابر سبيل ٍ ما يعوّد في سبيله = كلما طالت اسنينه حس في قدر الحناني
وكانها أبطت بالغياب اللي عجز قلبي يشيله = بأعتبرها ما نستني وبأعتبر وقتي نساني
خايف ٍ لأدمي طعون ٍ بالحشا ماهي قليله = عقب ما داويت جرح الأمس في صرح الأماني
وآآآآه يا بعد الطريق اللي مشاويره طويله = ويووووه يا كبر الغرام اللي لها بين المحاني
أدفع الآهات وهمومي على قلبي ثقيله = وأتصبّر بالقصايد وأتوجّد بالمعاني
علها تقرا القصيد اللي من عروقي فتيله = وعلها تدري بقلبي كيف بضلوعه يعاني
حبها خلاها بيديني ولو هي مستحيله = مدري ليه احسها أقرب شي أشوفه في مكاني
الاكيد إني أهيم بحبها في كل ليله = واللي أكثر من اكيد إن حبها زلزل كياني
يا ليالي لا تصيرين ابمعاليقي بخيله = بأهتني فيها وفيها باتمتع لو ثواني[/poem]