ساعدوني بالبنت--الله لايوريكم مكروووووووة

[أبوطيف]

السلام عليكم ورحمة الله وبركاتة

صباح----مساء الخير لكم جميعااا


أخوااني انا عندي بنتي عمرها 7سنوات محتاجة الى عملية تجميل في يدها اليسرى بسبب انه انكب عليها ماء مغلي وحصل تشوة بسيط يعني تقريباً 10 سم من اليد اليسرى طبعا الكلام هذا قبل 4 سنوات وأجلت عمليتها كل هالفترة واللحين البنت السنة الجاية تبي تدخل المدرسة وماابيها تتعقد يعني ابي اسويلها عملية تجميل بأسرع وقت ماادري وش الطريقة اللي اقدر اطلب فيها تحويل من مستشفى الملك خالد وهل مستشفى الملك خالد فية عيادة التجميل ولالا وبعد لاهنتم ابي اذا احد يعرف مستشفيات خاصة داخل او خارج المملكة سواء بسوريا او الاردن’’’


في انتظار ردكم الله يعطيكم الف الف عافية

[S15]

فيه عيادة التجميل في الملك خالد

واذا ما تبي ممكن تطلب تقرير طبي وترسله في الفاكس لأي مستشفى تبيه

والله يشفيها ان شاء الله

[خذني بقايا جروح]

انصحك في مستشفى العسكري الي بلمدينه العسكريه بلقاعده افضل من مستشفى الملك خالد

الف مره ومن مستشفيات الخاصه اذا عندك بطاقه مستشفى خذ موعد لها

وبتوفيق والله يشفيها ويخليها للك

[تركي الوايلي]

اقتباس: المشاركة الأصلية كتبت بواسطة خذني بقايا جروح    انصحك في مستشفى العسكري الي بلمدينه العسكريه بلقاعده افضل من مستشفى الملك خالد الف مره ومن مستشفيات الخاصه اذا عندك بطاقه مستشفى خذ موعد لها وبتوفيق والله يشفيها ويخليها للك

والله ياغالي مستشفى العسكري صار اخس معامله وخاصه انهم كلهم مصريين والدكتور اخلاقه براس خشمه تقل محد مالي عينه

عموما الله يعين بس

[لورنس العرب]

المستشفيات كثيره

فقط ضع بقوقل مركز تجميل بالرياض او جده وتجيك مدحدره

الله يشفيها يارب

وبالتوفيق

[♥ כـِـِـِّلـِـِم ♥]

الله يشفيها يارب

[AL MSAFER]

في دكتور تجميل شاطر في الأردن اسمة احمد داود هذا موقعة http://dawoodcenter.com/index.htm

[فراج العضيله]

الله يكون في عـونك

المستشفيات كثيره في المدن الرئيسيه كالرياض والشرقيه وجده وأنصحك بها وغالبا تجد إعلاناتهم تملأ
الصحف الرسميه السعوديه خاصة صحيفة الرياض .

مستشفى الملك خالد لم أجربه شخصيا أو بمديح الناس ولكن عليك البحث عن المستشفيات بالرياض وخاصة المشهورة منها وهناك أيضا عيادات التجميل كثيره وقد تنفعك بذلك .

الله يسهل لك أمرك وأتمنا أفدتك بطلبك

[صافي النية]

اسال الله العلي العظيم الكريم المنان ان يسهل لك علاج ابنتك
عليك بمستشفيات الرياض التخصصي اومستشفى الحرس الوطني

[غــ 99ــريب]

الله يشافيهااا لك