للاستمتاع بـ هدوئيات هادى مره

[هادى مره]

[align=center]يالله وأنـــا طـالـبـك عـذنــا يـاكـريـم أمــــن الــدبــور

عقـب الـذي جانـا مـن الأصـحـاب والـلـي نسمـعـه

أثـر الـعـرب مـثـل الـقـرب مــع طيـلـة الـمـده تـبـور

الــشـــق فـيــهــا لاكــبـــر مـايـنـرقــع لـــــو تــرقــعــه

والـلـي حـدانـي يـــم عـلـمـي ذاه وقـفــات الـشـعـور

يوم أختلف عندي وصوف أحلى الفصول الاربعه

أشوف لي ناسً تحـب الهـرج مـن خلـف الظهـور

تـظــن فـــي تظـهـيـر عــثــرات الاصــاحــب مـنـفـعـه

هـــم مـــادروا أن الـتـفـرق أول أســبــاب الــحــدور

مــثــل السـفـيـنـه مـاتـسـيـر ألا بــوجــود الأشــرعــه

الله يــاوقــتً مــضـــى فــيـــه الـســوالــف مــاتـــدور

وقــلـــوب خــلـــق الله نـظـيـفــه بـالـحـيــا مـتـشـبـعـه

ليـتـه يـعـود الـيـوم لـجـل الـذيــل مـايـرقـا الـصــدور

والــرأس يبـقـى رأس مهـمـا طـــال وقـــت الـزوبـعـه [/align]

[هادى مره]

الرفقه اللي ماتعمر على ساس
يطيح مبناها على من بناها
لاخير في رفقة كثيرن من الناس
اللي قصيرن فالمراجل مداها
وانا ما ارافق بارد الوجه والراس
وبعض الرجال وجيها من قفاها
رفقة ردي الحض بالرجل تنداس
والله لناطاها ونلعن ثواها
اهل الحكي من حكيها مالحق باس
طيور نغاقه وهذا لغاها
بعض العرب في الوقت ماهو بحساس
يجعل فوقه مايذعذع هواها
ناشي على اعراض الاوادم وبلاس
اعراض خلق الله يرثع وراها
بعروضها يبني كما بني الاطعاس
لين انها تاصل ليا منتهاها
وان شبها بين الفريقين ينحاس
يحوص عنها مايجي ملتقاها
ارافق اللي رفقتة ترفع الراس
صقراً رقا روس العلى واعتلاها
عندي سوات الزير سالم وجساس
بالطيب والنوماس فيه اتباها
نشا على طيب ومعزة ونوماس
وان شاف خله فوق ربعه رفاها
عساه في دنياه يسلم من الباس
يسلم من الدنيا ويسلم عناها
وروس العلا يرقابها كل قرناس
والبوم لو هو هازها مارقاها
ترا الرجال اشكال في الوقت واجناس
عقولها تفرق بها عن لحاها
رجلً بدا بالطيب في راس مرواس
حاز المراجل كلها واحتواها
دايم لثوب الجود والعز لباس
مدات كفه بالكرم ماحصاها
ورجلً بخيل اعن المواجيب هساس
مكسور كرف وعورتة ماكساها
ورجلً مغير منقعن قدمه الكاس
غافل عن الدنيا ونفسه نساها
ورجلً على غرات الاجواد حراس
يدور الغرة وعينه علاها
على الرذيله عاش والعرق دساس
كل الدروب اللي تفشل مشاها
وصلاة ربي عد ماهب نسناس
على رسول الله في منتهاها

[هادى مره]

يـاصــاحــبــي طــالــبـــك لاتـــرفــــع الــــصــــوت
دام الـــــعــــــلاقــــــه والـــــصــــــداقــــــه حــــمــــيــــمـــــه
عـاتـبـتـنــي وعــتــابــك اقــــــوى مــــــن الـــمــــوت
واحـــــــد مـــــــن حـــــــد الــســـيـــوف الــصــريــمــه
وظــلــمــتـــنـــي والــــظــــلــــم لــــلــــحـــــق تــــــابـــــــوت
واقــســـى عـــــذاب مـــــن الـهــمــوم الـظـلـيـمــه
وش مقصـدك مـن هرجتـن شتهـا شـوت
يـمــي وأنـــا مــــا ارضــــى لـنـفـسـي هـظـيـمـه
مــــاتــــدري إن الــــكــــذب ســــايــــد ومـــفـــلـــوت
فـــــــي عــالــمـــن فـــيــــه الــصــراحـــه جــريـــمـــه
ولاتـــــــدري ان الـــــــزود فــالـــهـــرج مــكـــفـــوت
ولاعـــــــــــــاد تـــاصـــلـــنــــا عــــلـــــومـــــن ســـلـــيــــمــــه
اهــــــل الـنـمــايــم تــخــطــف الــعــلــم وتـــفــــوت
ولامـــــنـــــهــــــم الــــــــــــــــي جـــايـــبـــنـــلــــه غــــنــــيــــمـــــه
كـــلـــن عـــلـــى رجــــــم الـمـتــاهــات مــنــحــوت
ولاعــــنـــــدهـــــم مـــــــبـــــــدأ وقــــيـــــمـــــه وشـــــيـــــمـــــه
لاشــــافـــــوا الــــرجـــــال ضـــــايـــــق ومـــكـــبــــوت
ســــــــوو عــــلـــــى نــــقـــــل الـــحـــكـــاوي ولـــيـــمـــه
وإن جـيـتــهــم بــالــصــدق مــافــاتــك الـــفـــوت
كـــــلــــــن لـــــيــــــا شـــــافــــــك يــــــــــــذب الـــخـــريـــمـــه
لاشــــــك نـــقـــل الــحــكـــي مـايــعــمــر بـــيــــوت
مــــيـــــر الــــبـــــلا ويـــــــــن الـــعـــقــــول الــفــهــيــمــه
راحـــــت ضــحــيــه بـــيـــن هـــافـــي وهــلــفــوت
واسـتـسـلــمــت وأرخـــــــت حــــبــــال الــعــزيــمــه
حتى الصحيب الي له الطيب مكتوت
اصــــبــــح يــــــــدور فــــــــي صــحــيــبـــه نــمــيــمـــه
مـــدري حـــداه الـوقــت والـوقــت طــاغــوت
والا الــــصــــداقــــه فـــــــــــــي زمــــــنـــــــا عـــقـــيـــمــــه
لــــكــــن دام الــــصــــوت مــــاهــــو بــمــخــفــوت
مــاتــنــحــنـــي روس الــــــرجــــــال الــحــشــيـــمـــه
لابــــــــــد يـــــاتـــــي يـــــــــــوم والـــعــــالــــم ســـــكــــــوت
وتــظـــهـــر مــــعــــه كــــــــل الــعـــلـــوم الــقــديــمـــه
الــــكــــذب حــبـــلـــه كــــــــل مــــاطــــال مــبـــتـــوت
والــــصــــدق يـــضـــهـــر والــحــقــايـــق مــقــيــمـــه
والـــرجـــل لــــــن كـــانـــه لــلامــجـــاد مــنــعـــوت
مــاهـــهـــمـــه افـــــكــــــار الـــعــــقــــول الــســقــيــمـــه
مــــــادام فــعــلــه لاقـــســـى الـــوقـــت مــثــبــوت
تــــبــــطــــي مــــتــــاهــــات الــــــزمــــــن مــاتــظــيـــمـــه
اقـــــولـــــهـــــا والـــــعـــــلـــــم مــــــــاهــــــــو بــــمــــلــــفــــوت
وانـــــــــــــــــا عـــــلــــــومــــــي كـــــلــــــهــــــا مـــســـتـــقـــيـــمـــه
مـــانــــي بــــــــلا ضــــايــــع ولانــــــــي بــســـربـــوت
حــــــــــرن تـــعـــلــــى مــــــــــع حــــــــــرارن عـــديــــمــــه
آرد عــــلــــى هــــــــداج واهــيـــجـــن الــــصـــــوت
وأشـــــوم عــــــن بـــعـــض الــعــلــوم الـوخـيــمــه
مــــاهــــمــــي الــــمــــرقــــد ولاهــــــمــــــي الــــــقــــــوت
لـو عـشـت فــي وســط البـحـور الطميـمـه
اكـبــر هـمـومـي لـــن بـغــى الـنـاشـد ثــبــوت
الـــمـــرجـــلــــه والــــطــــيـــــب وشـــــــــــــداد ريــــــمـــــــه
وغاية طموحي مع هـل الرنـج والحـوت
قــولـــة(نـــعـــم) عـــــنــــــد الـــــرجــــــال الــكـــريـــمـــه
لـــكـــن طـــبـــع الـــوقـــت جـــايــــر وطـــاغــــوت
إن مـــاصــــفــــى زاد الــــقــــســــى والــظــلــيـــمـــه

[هادى مره]

الــبــارحـــه جـــــــات الــقــوافـــي تـــطــــوّع
واللـيـل فــي مـبـداه وسهـيـل مــا غــاب
وقلـبـي عـلـى وصــل الحبـايـب مـجــوّع
والبـعـد سُـقْـم الــروح والـشـوق جـــذاب
مــــن لــوعــة الـفــرقــا مـاغــيــر اتــلـــوّع
والهـم مالـه عـن هـل العِـشـق مجـنـاب
والــقــلــب مــابــيــن الــضــلــوع يـــتـــزوّع
عليـك يالـلّـي صـورتـك بـيـن الأهــداب
ولـــيــــلً بـــدونــــك يــاحــيــاتــي يــــــــروّع
ولا مـثـل تـرويّـعـه يـقــع راعـــة الـــدآب
ولـــيــــلً يـجــيــبــك خــطــوتـــه مــاتــتـــوّع
عسـى اللقـاء ماينقطـع بيـن الأحـبـاب
يــــا طــيــب لــيـــل الـعـاشـقـيـن مـتــنــوّع
مــصــارحــه/وعــلــوم/ومــزوح/وعـــتـــاب
والـيـا قبـضـت الهـاتـف اجـلـس واكــوّع
لـلّــي عـلـومـه داخـــل الـقـلـب تـنـســاب
بـالــخــص لا ســولـــف وقـــــام يـتــمــوّع
هذا بلايه!!وش بلا أبوك ياعقاب؟!!
مــيــعــادنـــا يـــالـــيــــن آذان الـــمـــطــــوّع
وتوديـعـنـا مـــع طـقــة الـعــود لـلـبـاب!!

[هادى مره]

وآ كـبــدي الــلّــي عــلــى شـوفـتــك مـنـفَـطْـرَه




زايـــــد ظــمــاهــا ..ويــابــســتٍ شـرايـيــنــي!!




*




*




حتـى المطـر يـوم يمطـر.. مالتفـت شَـطْـرَه




لأنَّي أن شفت برق الغيـث.. يضمينـي!!




*




*




أتـخـيَّـلـك مــــن غـــــلا ..مـحــبّــه ..وبَــطْـــرَه




واتـذكَّـر أوصـــاف خـــدَّك يـانـظـر عـيـنـي!!




*




*




يـامـهـجــتــي فـالــحــيــاه الــحـــلـــوه الــعَـــطْـــرَه




أنـــتــــي هـــوايــــه مـــــــدام الله مـحـيــيــنــي!!




*




*




وشعري وحرفـي.. قبـل يكتـب علـى سَطْـرَه




منقـوش فالقلـب باسمـك.. ميـر تَكْفَينـي!!




*




*




تــــــرى حـبـيــبــك يــعــيــش بــحــالــةٍ خَـــطْـــرَه




والـمـوت شـعـره ..تبـقَّـت ..بيـنـه وبيـنـي!!




*




*




شـاعـرك ضمـيـآن مــن شَـطْـرَه لـيـا شَـطْــرَه




ومـن المطـر مـاروي ..ياروحـي اروينـي!!




*




*




مــن ريـقـك الحـلـو يـرويـنـي.. ولـــو قَـطْــرَه




أعطيني من العسل قَطْرَِه ..وتَكْفِيني!!

[هادى مره]

يـاهـيــه يــالــي عــــن عـيــونــي تـــــدرا
تـــراي والله عـــن مـشـاهـدك مـاجــوز
فـهـيـد لـحـقـه عـقــب شـوفــك مــضــرا
ماخطاه سهمٍ ساطيٍ به علـى النـوز
ســـهــــم الــعــيـــون ولالــقــالـــه مـــفــــرا
واقفـا وكـنـه بـيـن الاضــلاع ملـكـوز
يـونـس عــلاك بـداخـل الـجـوف حـــرا
وعلاك كن القلب يصلا على اقزوز
وذبــحــه الـيـاشــاف الـجـديــد الــمـــزرا
زاهـيــه عـودلــك مـثــل يــانــع الــمــوز
وســطــاًتــصـــره بــالابــاهــيـــم صــــــــــرا
وصـدراً زمابـه صاغـر النهـد مركـوز
وشريـت شقـرًٍٍ فـوق الامتـان بــرا
تظفي علـى ردفٍ اليـا قفيـت منبـوز
الــيــوم بــالـــك مـــــن صـويــبــك تــبـــرا
خـافـي صـوايـه بالحـشـا جـالـه بــروز
الــطـــف بـحــالــه يـابــعــد كــــــل غــــــرا
حـالــن تـــرا مـعـادلــه بـاشـقــى عــــوز
وعـــــلاك مــنـــي كـــــل يــومـــن يـــمـــرا
سلامـن احـلا مـن طعـم فاخـر الـلـوز

[هادى مره]

أبــوي ربـانـي عـلـى الطـيـب مـــن جـــد
مـــا قـــال لـــي يـفــلان رد الشـتـيـمـة


تـــرى الـــردي لا مـــن سفـهـتـه تـنـكـد
يـمـوت فـــي غـيـظـه ونـفـسـه سقـيـمـة


وأنــا أعــرف أن بــه نــاس دايــم تـهـبـد
مـرضــى نـفــوس مــدوريــن النـمـيـمـة


خـلــك مـــن الـلــي لا تـحـاكـا تــجــرد
عـلــى الـكــلام الـشـيـن يـذبــح تمـيـمـة


أبــــو حــجــاجٍ لا نـظـرتــه مـعــقــد
خبـيـث نـفــس ولـــو بخـصـتـه بهـيـمـة


درب الـسـنـع عــنــه يـحـيــد وتــصــدد
يــســوق رجــلــه لــلــدروب اللـئـيـمـة

الـلـي عـلــى الـحـرّمـة يـمــوت وتـوجــد
غـايــة مـنــاه تـــذوق مـنــه السقـيـمـة


عـنـتـر زمـانــه لا حـكــا ثـــم تـنـهــد
يـعــد روحـــة بـيــن ربـعــه صـتـيـمـه

يــا بــوك أنــا شـايــب وشـيـبـي تـعــدد
أبـخــص ردي الـســاس وأهـــل الشكـيـمـة


خـلــك مـــع الـلــي بالـمـراجـل تـشــدد
الطـيـبـيـن أهــــل الـعـلــوم الحـكـيـمـة


الـصـاحـب الـلــي لـجــل خـلــه تـكـبــد
كــل العـنـا مـــا قـــال هـــذي ظلـيـمـه


فــلــت حــجــاجٍ لا نـصـيـتـه تـعــمــد
يـســوق نـفـسـه مـــا حسـبـهـا بقـيـمـة


هـــذي نـصـيـحـة كــــان ودك تــجــود
أخـــذ الـكــلام الـزيــن وأتـــرك دمـيـمـة

[هادى مره]

يــا بــداح مجـلـس هــل الـدقـات ماليـبـه
اخـذت عبـره مـن اللـي صـار فالمـاضـي
حتـيـش لــو يبـتـسـم ويـــزود ترحـيـبـه
لا بـد مـن كلـمـة(ن) تزعـلـك يالـراضـي
يجـيـبـهـا كـنــهــا مــزحـــه بـأسـالـيـبـه
وهـي كلهـا مـن لعـانـة قـلـب وابغـاضـي
وألـيـا لطمـتـه ضـحـك بسـنـون تركيـبـه
ثم قال انا امزح معك وش فيـك مغتاضـي
وألـيـا تركـتـه مصيـبـه واكـبـر مصيـبـه
يغلـق الصـدر ضيقـه عقـب مـا غـاضـي
لكـن تــرا الـحـل يــا بــن الـعـم تجنيـبـه
وتركه على وجهته يرثـع علـى الفاضـي
عـلـيـك بـالـلـي قـلـيـلات(ن) عـذاريـبــه
اللي عصمه الولي عن نهش الاعراضي
ألـيـا نصيـتـه تحـفـوابـك ومـــن طـيـبـه
حرص(ن) على راحتك بالحيل ويحاضي
هــذاك ودك يـــا بـــن عـمــي بتقـريـبـه
وتبعيد ناس(ن) تجي من تحت الانقاضي
ناس(ن) لها خبـرة(ن) فالهـرج والغيبـه
وعلومهـم قـال عـايـض فـبـن عـواضـي
والــرجــل تـكـفـيـه فـالـدنـيـا تـجـاريـبـه
وانـا خذيـت العبـر مـن وقـتـي المـاضـي

[هادى مره]

كتاب ومرتادى المنتديات ونحن اولهم

كم نقضي من الوقت كم نفني من اعمارنا

دقيقه ساعه ايام شهور سنوات

ماذا نريد بالضبط

اعجاب الناس تصفيق الاعضاء ابهار المتابعين

الشكر من هذا والثناء من ذاك

طيب حصلت على ذلك كله

ابهار ابداع تصفيق حب لك وحب لقلمك


هل هي فقط هذه الفائده


مع الاسف نحن ننسى انفسنا

ولانبحث عن مايفيدنا بقضاء هذا الوقت وسوف نحاسب على ذلك

زعل فلان واتهام علان ونرفزه فلانه وقذف علانه

فلان يرد على موضوعي وعلان مطنش فلان يقصدني وعلان لايقصدني ووووو

الم نفكر بما يرضى الله اولا ثم مايرضى انفسنا

كم نحن مقصرين كم نحن لاهين

هل تعاملنا بقلب طيب وحب اخوي عفوى
هل نصحنا اخوتنا بما يفيدنا ويفيدهم
هل جعلنا قلوبنا مسرح للعطاء والود والافاده للكل هادى مره

[هادى مره]

مسكين ومسكينه


من يكتب بالمنتديات او يجتهد او يتعب او يتعلق



لاجل فقط الثناء

لاجل فقط

كسب المعجبين او المعجبات

انه يتعب نفسه ويخسر وقته بلا قيمه وربما يلحقه اثم وذنب

حيث يغضب ناس ويظلم ناس ويتفق ضد ناس ويتهم ناس

المنتديات عالم فسيح للاجر والمثوبه فهل لدينا خانه من فكرنا نسير من خلالها لكسب هذا الاجر الوفير

من نصائح من مواعظ من اثراء لمعلومات تفيد بالحياه وتعديل السلوك الخاطئ


هادى مره