[align=center]
السلاااااااااااااام عليكم ورحمة الله وبركاته
اخواني واخواتي
هذي قصيدة غزليه جديدة وأتمنى أن تحوز على رضاكم:
يامل قلب ممتلي نصفه هموم*
والنصف الآخر به جروح تتله*
ويامل عين كلما تبغي النوم*
جاها بلاها عافت النوم كله*
يطري عليها وقت به صارت علوم *
مع صاحب ياجعلني فدوة له*
ماله وصيف ومن تحداه مهزوم*
وكم عاشق قبلي تعب ماوصل له*
ياقوم لاسلهم بالأعيان ياقوم*
رمشه حفر قبر الهواوي بظله*
له عود رويان وله ساق مبروم*
وكل الرقاب من الحلا يعكفن له*
الله ساقه لي كما سوقة غيوم*
وحوط خفوقي بالمحبه وحله*
مايسمع العاذل ولايسمع اللوم*
وافي وأنا مثله بعد وافي له*
يمشي على ما أقول له دايم الدوم*
والموقع اللي نلتقي به يدله*
العام ماهو يابوياسر كما اليوم*
الوقت فرق بين خل وخله*
طبع الزمن لامن غزى يشبه النوم*
الآدمي ماله جدى لوفطن له*
الوقت ظالمني وأنا منه مظلوم*
كنه يقلب خافقي فوق مله*
وإليا غفيت أصحى غصب تقل مفطوم*
سبة هموم بخافقي مستحله*
وإذا بدت من كثر تفكيري تحوم*
خطرن على عقل المعنى تشله*
طبع الفتى يمشي على طبع وسلوم*
ويصبر إذا جاله من الوقت زله *
والآدمي ماله سوى شي مقسوم*
واللي ماهوله لوتعب ماحصل له*
ولو ماأطلب الله وأقعد الليل وأصوم*
وأقرى كتابه صار بالعقل خله*
يالله تجلي مابقلبي من هموم*
وترتاح عين عافت الليل كله
ماجدعوادالسعدي[/align]
رد: يامل قلب ٍ ممتلي نصفه هموم
[/glow1][/align]
العرض العادي
