////أهداااااخاص ااااااء////
(البارحه يا جتني همومي طوابير..
لاأقفت هموم(ن)جت هموم(ن)مغيره=
غارت على قلبي سوات السواطير..
لولا سياج الصدر حالي خطيره=
ولاجيت يا أبدله وأتصنع معاذير..
تهزني عبره بصدري كسيره=
لاتحزنين وتشتكين المقادير..
يانفس قولي جعل بالأمر خيره=
ماني بأنا الأول ولاني بالأخير..
هذي دواليب الدهر مستديره=
ورزقي على اللي رازق الداب والطير..
الواحد اللي عالم(ن) بالسريره=
ولاتيئسين ولوتطول المشاوير..
مايفلح إلا من يكمل مسيره=
ومالي سوى المعبود والي التدابير..
اللي بحكمه كل عسره يسيره=
نمشي بهالدنيا ورود ومصادير..
وكل(ن)يحسب اللي بجنبه عشيره=
وياكم صديق(ن)وده يقطك ببير..
ويحد لك شلفاه لوهي شطيره=
وإلا العلوم اللي سوات المواطير..
اللي نقلها من يخرعه صفيره=
اللي ماينفع فيه لاشر لاخير..
وشرواه من تربى بوسط الحظيره=
قل له ترى الجامح بجنحانه يطير..
سمقانكم ماشكلت في مطيره=
بس احمد المولى وجنب عن البير..
لاشفت ماجد جاك يسقي بعيره
إعذروني على الغيبه الطويله لوجود أزمه وإن شاء الله تعدي .
أخوكم/ماجدعوادالسعدي