الله لايهينك يسعدني مرورك فحيااك الله ونبي راايك ..

[(القناص)]

السلام عليكم ورحمة الله وبركاته

أخواني ووأخواتي
أعضاء منتديات عاصمة الربيع
تعرفون الواحد اذا صاار مغترب يترزق الله يدور حق اجار الشقه
<<<يبي يقنعكم انه ماايحب الفلوس ههههه

انا طالب جامعي وسجلت في حافز وقبلوني <<والله من زين النظام

المهم اني سئلت الشيخ الدكتور عبدالله الطيار
قال لاتحل لك
والحين اللي ابي اسئلكم واخذ رايكم فيه

هو اني تورطت اخاف يكشفوني بكره
ثم يقطعون مكافئة الفقر"الجامعيه"هع
والا يقولون رجعها وغير كذا لو تخرجت بكره وماحصلت وظيفه ما اقدر اسجل في حافز يعني ابي رايكم وش اسوي اخاف اروح لمكتب العمل يقولون لي جابك الله عطنا الالفين واخرتها اذا جيت بقدم بعدين مايقبلونني لانكم تعرفون اغلب الربع حراميه لان كل واحد يلهط من عند
المهم
يااربعي يا اهل الحفر ابي الحل ؟؟؟؟
وشلون الغي اسمي بدون ما احد يلعب علي من هالموظفين ؟؟

لاتقولون اتصل على رقم حافز كرهت نفسي من كثر ما اتصل عليه ولا يرد ...واذا احد يعرف له رجال موظف في مكتب العمل ياليت يجيب لنا الخبر والله يبارك فيكم ...

...

[abdolla]

اذا عندك احد باحث عن وظيفه ولا قدر يسجل بحافز اعطه الألفين حتى تلقى طريقه تلغى تسجيلك في النظام ...

[بدوووي]

وشلون قبلك النظام أنا أبي أسجل فيه أنت متسبب بالبطاقه

[جعيثن]

ابعد عن الحرام يرزقك الله من ترك شي لله عوضه الله خيرا منه

[(القناص)]

اقتباس: المشاركة الأصلية كتبت بواسطة abdolla    اذا عندك احد باحث عن وظيفه ولا قدر يسجل بحافز اعطه الألفين حتى تلقى طريقه تلغى تسجيلك في النظام ...

اي اخوي بس هم لو اكتشفم الامر رايح يطالبوننا بارجاع المبلغ وهذا الشيء اللي انا متوقعه بصراحه .. ويعطيك العافيه ع المرور ...

[(القناص)]

اقتباس: المشاركة الأصلية كتبت بواسطة بدوووي    وشلون قبلك النظام أنا أبي أسجل فيه أنت متسبب بالبطاقه

الله يبارك فيك اخوي انا متورط فيه وانت تبي تسجل ههههههه

لا يالغالي انا مهتني طالب ولاغيرت شيء ... لكن النظام مش حالك ...وكثير طلاب غيري قبلوهم .. ولو ماهي حرام كان ما احد طق لي خبر خليتها سكاتي لكن دامها حرام هونا ..

[(القناص)]

اقتباس: المشاركة الأصلية كتبت بواسطة جعيثن    ابعد عن الحرام يرزقك الله من ترك شي لله عوضه الله خيرا منه

والله انك صادق لكن للاسف الحين كل ماقلت لواحد قال انت مجنون الفلوس تروح للخارج والعالم تاكل وانت تقول 2000 ريال حرام ..لكن هذا مصداق لحديث رسول الله صلى الله عليه وسلم ((ليأتين على الناس زمان لا يبالي المرء بما اخذ المال امن حلال ام من حرام )) وبعضهم الحلال ماحل بيديه والله المستعان ...

[حلو الكلام]

تدري شلون تصدق بالشهر هذأآ وكلمهم وقلهم يكنسلونهـا ان ماكنسلوهأ الظاهر والله العالم ماعليك شي

لانك سويت الي عليك

انـا طالب تبع كلية مجتمع وكليآت المجتمع ماتشمل لهم مكافئه شرايك تعطيني الـ 2000 هههههههه ..امزح <
سجلت وان قبلت بس عندي اجرائات الايبان وان جتني راح اخذهأ لاني ماعندي شي لامكافئه ولا شي

[صقار]

الاعانه للعاطلين فقط وانت باعتقادي انك تستحقها لان ابو متعب أطال الله عمره لم يضع شروطا

تعجيزيه ..اصرف منها وتصدق وتوكل على الله واذا طالبوك بارجاعها ذلك الوقت .لكل حدث حديث

تمنياتي لك بالتوفيق .

[HAFRAWY]

والله شوف أنا ما قدمت على حافز
لكن لو كنت أعرف إن حافز يقبل طلاب جامعات
والله ما أنتظرت دقيقة ولا حتى أنتظر شيخ وإلا غيره لازم يفّتي لي
الموضوع إنه حنا طلاب ومسافرين ومغتربين عن أهالينا ، والمصاريف بالعزوبية
مرتفعة والوضع لك عليه والمكافأة أصبحت بالوقت هذا ما تغطي غير فاتورة التليفون والكهرباء
أما الإيجار ومصاريف الشقة فالله يعلم بالحال وهو اللي يحاسبنا على قدر النية
وإحنا في فريضة الخروج في سبيل طلب العلم وهذي بحد ذاته فيها من
الأجر ما الله به عليم . لذلك هذي أموالنا ومخصصه لنا كـ مواطنيين
وليس أحد بأحق منّا بها ، وغير ذلك حنا بمثابة العاطلين كون
أهالينا مازالوا يصرفوا علينا ،،،

لكن هل فعلا ً
حافز يعطي طلاب الجامعات ،
أم لك ظروف إستثنائية قبل حافز يعطيك الـ2000
إما إنك من طلاب كليات المجتمع اللي ما تصرف لهم مكافأت
أو من طلاب الإنتساب أو يمكن ويمكن لكن ما سمعت إن طالب جامعي
قبل حافز يعطيه هالألفين




آآآآمممم، ترا عادي أسدح
لك رقم الحساب وترسل الألفين إذا مالك خاطر فيها ،
أقول عليك الله غير تقول تمّ
تكسب من ورانا أجر
وأنا صادز