~_~_~_~_~_~_~_~_~_~_~
يانور عيني هوى بالـي وسلطانـه
.................................لايوجع القلب حد العيـن وسيوفـك
سبحان ربٍ عظيـمٍ ياكبـر شانـه
.................................عظيمة الوصف جل محدد اوصوفـك
يابنت شعري زهابك وابدع الحانـه
.................................ايجر صوته غلى في ملعب حروفـك
ياطيفك اللي عليه العيـن شفقانـه
.................................ولامن نظرتك حقيقه عافت طيوفـك
اذا عليك المشاعر جـات زعلانـه
.................................زهبت عذرك قبل تطربنـي حلوفـك
ياعينك اللي تجيب المـوت خدرانـه
.................................مالوم عين ٍ تدقـق فيـك وتحوفـك
عروق قلبي ثلاث عـروق ظميانـه
.................................مايرتوي العرق الاول غير في شوفك
والعرق الاخر تغشى سيـل وديانـه
.................................لاصرت جنبي ولامس كفي كفوفـك
واخر عروق الظمى البحـر والدانـه
.................................اعوم بحرك واجيب الدان من جوفك
مثل الخضار اللـذي تسقيـه ودانـه
.................................هذا غرامك فديت عروق سرجوفـك
كذا غرامك بنـى فالجـوف بنيانـه
.................................لاتهدم اللي بنيته من سبـب خوفـك
~_~_~_~_~_~_~_~_~_~_~
عروق قلبي ثلاث عـروق ظميانـه
العرض العادي
