مرحبا ياحلواااات..
اليوم جايبه ( قرص عمر) اعتقد الكل يعرفه..
ماخذته من احدى المنتديات ومعتمدته عندي من ثلاث سنين..
ودايم مطلوب من الغالين..
وبصراااحه يقرمش..ولذيذ مع شاهي العصر...
.برنجلز البدو...
الموهيم...
نبدا بالمقادير والطريقه خطوة خطوة...
3كأس طحين- ....( طبعا كأس الجبن الكبير هو اللي استخدمه في كل المقادير..)
1كأس لبن-
نص كأس زيت
-ثلاث ارباع فنجال سكر-
ذره ملح-
كأس جبن سايل الصغير
نخلط جميع المقادير بالخلاط مع بعض ماعدا الطحين
ونضيف عليها الطحين
جهزي ثلاث صحون واحد حطي فيه زعتر والثاني حبه سوداء والثالث سماااق
وهو احلى شي واطعم مع الشاي
قطعيها لثلاث قطع ..
انا قسمت العجينه 3 اقسام وعملت قسم بالحبه السوداء وقسم بالسماق وقسم بالزعتر
واكورها قطع صغار بحجم حبة الرطب او اصغر على حسب رغبتك بالحجم..
تحطينها بالتاوه الكهربائيه اللي تجيك صاجه من فوق وصاجه من تحت وفيها ذراع
اكيد كلكم تعرفونها المهم تحطون بصاجه قطع العجين وتقفلونه عليها لحد مايتكون القرص ويكون رقيق مره لاتخلونها لينه لا... حاولوا ترصونها عشان تكون رقيقه وتجف بسرعه وتصير زي البسكويت
وتمتعوا فيها مع الشاي
انا سويت خلطه من عندي..تغمسين البسكويت فيها وطعمه خيااال..