[frame="1 80"]
ما عاد تكفي للدموع المناديل
ولا عاد تطري للحزين الوناسه
عقب الخبر جاني تكدرت بالحيل
وحطت علي أهموم وقتي حراسه
اصبحت كني غارقن بأوسط النيل
وكله حزن ياناس مطول قياسه
اقفا وسيع المعرفه وافي الكيل
وخلا الحزن بقلوبنا له رياسه
يبكي على فرقاه صفت رياجيل
ويبكي على فرقاه ربعه وناسه
وتبكي عليه الملعبه والمواويل
ويبكي على فرقاه حتى لباسه
اقفيت يا غازي وشفنا التهاويل
وعقبك نشوف الوقت فيه إنتكاسه
يا رعي الطيبه ويا عاسف الخيل
يا كاسب الجزله ورجل الحماسه
يشهد عليك بطيبتك حاضر الجيل
واللي مضى لأبوك فيه إقتباسه
يالله وانا راجيك يا عادل الميل
منك الرجاء يالله نرج إلتماسه
ادعيك يالمعبود في تالي الليل
دعوت ملبي جاك يخضع براسه
تبعد ولد حمدي عن النار والويل
واعن العذاب وضنكته وإحتباسه
ومثواه بالجنه مع أهل التهاليل
وتجبر عزاء من فيه يعلن أفلاسه
للشــاعر / عبدالرحمن الميموني
[/frame]