@@ بداية الرحلة @@
ليه أحبك وأدري إني في بحر غدرك غريـق ؟!!
وليه أتصفّح حياتـك دام عذّبنـي الغـلاف ؟؟
إن عشقتك صدقني كني عاشق لـي حريـق
الحَطب عمري ، ونارك بس تآكل ما تخـاف ..
@@ أمواج البحر @@
هـمست وقلت : لاتخافي على بحر العيون السود ..*.. عـلى شـط الكحل مريت ، وهذا موضع أقدامي
أدوّر عـن ذهـــب عـمري ، بقايا كـــنزي المفقود ..*.. وأشوف الموج يطوي الموج ويبحر مركب أيامي
@@ حديث العشاق @@
تدري حبيـبي ما اقدر اصبر بدونك... الـشوق يجذبني حنينه لدنياك
ويا صاحبي هونك على الـقلـب هونك... ابستريح بداخلك وأتحـراك
@@ عذاب الفراق @@
تعال اسأل نجوم الليل يا هاجر من ألهاني
وأنا أعلمّك بالوقت الطويل وكيف قضيّته
بغيت أقو على بعدك وراح الصبر ما أمداني
أهز الشوق وإن طاح الوله بالحضن ضمّيته
@@ منتصف الرحلة @@
ياصاحبي لاتحسب إني مجافيك
.............................. ولاتحسب إن الصد مني تغلي
والله ما في عيني أحد يساويك
............................... أنت الذي مالك حياتي وكلي
أنا هواي ورغبتي كلها فيك
............................ مالي بغيرك غاية لو حصل لي
أسهر معاك الليل كله وأناجيك
............................ وأفرح بشوفك ياحياتي وخلي
@@ في المغيب @@
فيني زهر ذابـل وهـمٍ أسرنـي ... فيني من الآهـات ضجّـة مدينـه ..
فيني ثرى جدبه وشوقٍ غمرنـي ... غل السواعد فـي يدينـي متينـه ..
لكن رضيت بواقعـي وأعتبرنـي ... واحد تعـزوا مالقـا مـن يعينـه ..
@@ ظلام الليل وسكون السفينة @@
أشتكي لوسـادتي دنياي وأسمـعها تـنوح
كنها بعضي وبعضي وين هو من هو معه
مختلط في عبرتي حبر الشقى ودم الجروح
مستوي في نظرتي غرب الوجود ومطلعه
@@ فجر نهاية الرحلة @@
إن كـــــــــــــــــآن ماحرّك قصيدي مشـــــــــــــــآعرك ,,
وحسّيــــــــــــــــــت به فـ القلب قبل المســــــــــآمع ,,
مــــآلي ومـــــآل الشعر ياروح شاعـــــــــــــــــرك ؟ ,,
لآ كـــــآتبٍ معنـــــــــــى ولانيب سآمــــــــــــــــــــــع ! ,,
@@ نهاية الرحلة @@
سبحانك الله لا اله ألا أنـت ياكـرم الأكرميـن
يـا عالـم أحـوال الأوادم ياكفيـل أرزاقـهـا
.
أستغفرك يارب وأسجد لـك سجـود الخاشعيـن
سجـود عبـد" دمعتـه مـن خشيـة الله راقهـا
.
وفي جلسته من سجدته صلى على طـه الأميـن
وأهـل المبـادي حبهـا وأيمانهـا بأعماقـهـا
.
وعلى رسـول الله خاتـم الأنبيـاء المرسليـن
أفضل سلامي مابدت شمس الضحى با شراقهـا
________
@@ ارجوا ان تكون الرحلة قد نالت على إعجاب الجميع @@
تحية خالصة من القلب إلى القلب
يكفي لاحكوا قالوا مطيرية * زينة بالعين يقهر لها البنات *
شامخة بالطيب وذكر آجودية * وافيه بالذوق مع حسنه ثبات *
تحياتي للجميع
كابتن الرحلة / عــذاري الــمــطــيــري..
العرض العادي
