[align=center]السلام عليكم ورحمة الله وبركاته
صباحكم كله افراح ومسرات
اقدم لكم هذه المتواضعه وان شاءالله تنال على استحسانكم
من بين اوراقي المبعثره وللتجديد والتواصل
وكل عام وانتم بخير [/align]
[poem=font=",6,gray,bold,normal" bkcolor="transparent" bkimage="" border="none,4," type=2 line=0 align=center use=ex num="0,black""]
العيد ماهو فرحه للمحبين = فرحه لمن قلبه من الهم خالي
عيد ترى عيدك عن الغير عيدين = مبروك عيدك ياحسين الدلالي
عيدي معك وان ساعد الحظ بعدين = عندي أمل في مقبلات الليالي
يمكن يدور الوقت وأيامنا تزين = ونهنا عقب طعم المراره بحالي
والا نقفي مثل ناسٍ مقفين = ما دامت الدنيا لزيد الهلالي
انكان تنشدني ترى خاطري شين = احاول ادله مير ماني سالي
ما تدري اني عايشن بين نارين = ناري ونار اللي نبي ياحلالي
اللي شبك قلبي وروح على وين = مابي الفوايد ردلي راس مالي
اهل الهوى دايم تراهم شقيين= كلش يهون ولا حنينك لغالي
ما يقنع المشتاق بكره وبعدين = ليه التغلي والبطى في وصالي
ليتك تكرم مثل ناسٍ كريمين = نبا اتصال ولا طلبنا المحالي
[/poem]