هذه القصة تدور حول الكرم والاهتمام بحقوق الجيران والضيوف. جرت على الشاعر المعروف بقوة السبك، وابتكار المعاني والصدق في القول وجزالة اللفظ/ دهيسان بن قاعد الخمشي من قبيلة عنزه.
كان دهيسان قد سكن مع من سكن من جماعته في الاسياح، والأسياح تقع على طريق القوافل واشتهر سكانها بالكرم والشجاعة، ولهم من الشواهد على ذلك الكثير من قول الشعراء من ذلك قوله من قصيدة طويلة:
[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
ديرة عميـر مدهـل الغانمينـي = فنجال اشقر والمطاعم اشمامـي
للضيف يما قلطوا من سمينـي = فوق الصحون اللي تسافح يدامي
والجار عده غارس حوطتينـي = من طيحه البكري ليوم الصرامي
كم زهبوا من جمعـة موخلينـي = ما دوروا البكري ليوم الصرامي [/poem]
ومنها قول الشاعر ناصر البكيري من قصيدة طويلة أثنى فيها على أهالي أبا الدود وعموم الأسياح منها قوله:
[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
جعل الحياينشي على قصر أبالدود = هاك الربوع اللـي لذيـذ نباهـا [/poem]
إلى قوله:
[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
مكارم الأخلاق فيهـم بهـا زود = أربع خصال من يجيهـم لقاهـا
الجار هو والضيف والدين ماجود = وخويهم مزاهبه مـا احتساهـا
شي وكاد ما يبي هرج وشهـود = كم واحـد قبلـي قديـم حكاهـا
سلم لهم ماضي قديم على اجدود = لو عضة الضلفة جحد ما شكاها [/poem]
أما دهيسان الخمشي فهو عندما شاهد بشاشتهم واكرامهم للضيف واهتمامهم بحقوق الجار والوافد قال أبياتاً ذكر فيها:
"لا جيت مارد فاقتك الشياطين"
يقصد قصر مارد وهو قصر أثري قديم لبني هلال، ولا يزال موقعه وانقاضه موجودة بالاسياح، كما خص بالابيات الرعوجي وهو أميرها السابق محمد الرعوجي رحمه الله يقول دهيسان:
[poem=font="Simplified Arabic,6,indigo,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
يا راكب اللي كل ما فوقهـا زيـن = تمرس كما تمرس خطاة القطاتـي
لاجيت مـارد فارقتـك الشياطيـن = راحت همومك والمتاعب شتاتـي
سلم عليهم خص الاقصى والادنين = اعـدا مـا زام الزهـر بالنباتـي
خص الرعوجي ريف ركب مجيعين = لاجن من الغربـة تقـل مكرياتـي
لاحـط للواحـد حسـب للثلاثيـن = وان حط للخمسة لخمس احسباتي
ما حدته ضيده لحد ابـرق العيـن = يكفيك الادنى كان تفهـم وصاتـي
ذولا مقابـيـل وذولا مقـفـيـن = وافد ضيف من جميـع الجهاتـي
الجار معهـم خاشـر بالقوانيـن = عوايـد حـق عليـهـم ثبـاتـي
لعلـهـم دب الليـالـي غنيـيـن = وديارهم للريف قيـض ومشاتـي
دار لهلنـا والجـدود القديمـيـن = حسبت بني عم بطـول الحياتـي
معهم سلينا عن شيـوخ مسميـن = من الساحل الغربي لشط الفراتـي
صولاتهم ترهب قلـوب المعاديـن = ربعي بني وائـل هـل الطايلاتـي [/poem]