.
معشوقك اللي عذبته المقادير
.............. يسمع صدى صوتك ولا تسمعينه
وش حيلته غير البكى والتعابير
.................... في حبك وقلبه وباقي سنينه
ساق القدم لك واهلكته المشاوير
.............. وامضاء حياته في خساره ثمينه
عزاه يا قلب كوته المخاطير
............. والروح في درب المحبه سجينه
يا بنت ياللي تكتبين المعاذير
............ امشي على وضح النقاء تكسبينه
العشق دربه واضح ٍ (والمخاسير
................. عكس اتجاهه والعنا حاملينه)
معشوقك اللي عاف كل الغنادير
.............. لجلك ولا بالكون شخصاً بعينه
صابر وصابر والليالي مدابير
................ والله على بعد الحبايب يعينه
.