[align=center]الـسلام عليكم ورحمة الله وبركاته
أخبـاركـم أن شاءلله بخـ،ـير ,
اليـوم جايبلكم قصـيدهـ من تاليفـي وان شاءلله تعـجبعكم
طـبعاً لحد يدقق فـي الكسور والقافيـه
كلمات ولملمتها من داخـلي ~ :)
ياخطري ماينفعك كثرة اللوم .. ولا على الشكوى ترد الليالي
خل الشقى بالقلب والهم مكتوم .. وخل التعب ياخوك ليا لحالي
ياما تحملته وانا فيه ملزوم .. كسر ضلوع القلب وادمح سؤالي
مهموم أدري بس لاتزيدني هموم .. تكفى دخيلك روح دور بدالي
شفني وانا طايح وماني بمهزوم وشفني وانا جالس وفاقدلي غالي
وشفني وانا صغير وضاقت بي هدوم .. وشلون لو أكبر وحولي عيالي ؟
انا من الضيقه اصافحلي انجوم .. هذا قدر عمري وهذا مجالي
ياصاحبي جفني تجافا مع النوم .. عطني سبب بلواي ياراس مالي
كان السبب في الدين ماني بمعصوم .. وانا اعترف بالذنب ماني بعالي
وكان السبب بالحب ماهو بمذموم .. ولان الشرب المُر بيديه حالي
وكان السبب غيره فلا تلف وتحوم .. عطني خلاص الهرج بيرتاح بالي
قد لي ثلاث ايام ماجاني النوم .. ابي اميز بس وش هو جرالي ?[/align]