مــا نكبـنـا يالـعـرب غيرالشلـيـلــه
والتعصب من عماتـه فـي عماتـه
شـلـةٍ تجمعـهـم اوصــاف ٍ ذليـلــــه
كـل منهـم كمـل الثانـي بصفـاتــــه
كل ساقـط حـط لـه شلـه تشيلــــــــه
تجمعـه لا طــاح وتلمـلـم شتـاتــــه
هرجـتـه لا جـتـك تلقـاهـا هزيـلــــه
واحــدٍ ثـبـت وثـانـي جــاه شـاتـــــه
ليـن صـار اليـوم نجـم ٍمــا مثيـلــــه
خيلـولـه شـلـتـه واظـهــر لـهـاتــــــه
وقام يشنى بالحكي حتـى زميلــــــه
من يخالف رايه اصبـح مـن عداتـه
ناقص ٍ عقله وهرجه هـو حصيلــه
يـزرع الفتـه ويسمـع مـن وشـاتـــه
كم عزيز ٍ صـد مـا يبغـى الفشيلــه
يـوم شـاف ان البحـر خالـط فراتــه
ما خبرنا الراس يمشي عقب ذيلـه
ولاخبرنـا الذيـب صافـح يـد شاتـه
الركب يمشـي ولا يخشـى ذليلــــه
لــو تـزايـد نـبــح كـلـبـه وقـهـراتـه
قلتـهـا ببـيـات مخـتـصـرة قلـيـلـــه
وكـل شــيءٍ زينـتـه والله طـراتـــه
ارقدوا بامـان يـااصحـاب الفضيلـه
قدركـم عالـي وحنـا مــن حمـاتــــه