خبر من الكويت

[المحتاااااس]

مشاري اذا الطير ابيض

يسمى الفارسي

والف شكر على المعلومه وانشاء الله نبلغ الربع المقانيص

[عـــــادل]

اخوووووووووووووووووووي مشاااااااااااااااااري

الطير اللي انباع بخمسه وعشرين الف دينار

تدري انه ضاع قبل اسبوع في الحدودالشماليه

مع امير من السعود هده على الحباره وضاع

وعسى الله يعقله

تحياتي

[احمد العنزي]

اخوووي مشااااري




الارزاق بيد الله




الف شكر

[امــــــ الليل ـــــير]

الرزق بيد الله

فيه قصه سمعت فيها قبل سبع سنوات

ان فيه واحد صقار من اهل الحفركان معه صقر ابيض(مدري شاريه ولا قانصه )ناسي السلفه
المهم

راح لرياض بيبيعه على الامراء

وعند وصوله مشارف الرياض (بعد التفتيش )الا والصقر يوم مات فجاءه

يصدق يكذب الا خويه ميت
غناته بعد الله
المهم الرجال رماه جنب الخط العام قبل صلاة العصر في مكان واضح للناس

وامن بقضاء الله وقدره

ياليته رجع لحفر الباطن
سير لواحد من جماعته وتقهرى عنده ويعلمه بالسلفه ومكان رمي الصقر
المهم صاحب البيت استاذن من الضيف وقال له انا بروح مشوار
لاكن البيت بيتك والمحل محلك

الخبيث رجع لمكان الصقر الميت وحصله موجود

ماريح احد يتوقع ايش سوى ؟؟؟؟؟؟؟؟؟؟؟؟؟؟

اخذ الصقر معه وعلى بيت امير من ال سعود بعد صلاةالمغرب

وقال للحرس ابغاء الامير انا جايب له هديه من حفر الباطن
استقبله الامير وقهواه وقال ويش عندك من هديه
قال والله هديتي معي بالسياره
قال جيبها

ودخل على الامير بالصقر الميت واندهش الامير
قال ياطويل العمر انا جيت بالصقر هذا لك من حفر الباطن خاصه لك دون غيرك
لاكن يوم وقفت بتفتيش الرياض الي مايخافون الله عطوه عين ومات قبل ماتشوفه
وانا والله يوم جيت كلها على شانك تركت اولادي واهلي علشان اقدملك هذا الصقر هديه
لاكن عظم الله اجرك فيه ياطويل العمر
فضحك الامير

وقال اعطوه ثمانون الف 80000

وخذها وراح لبيته وضيفه موجود يقلب راسه ماهو داري عن السلفه كلها

وسلامتكم

[بعيد المعشى]

والله يالاخ مشاري شكرآ على هالخبر الحلو بس أنا ودي بطير بس ماعندي إلى 1200 ريال كلم صاحب الطير اذا يبي يبيعه بالسعر هذا ردلي خبر هههههههههههههه
الله يرزقنا وياكم

[الساحل الشرقي]

و فيه قبل أسبوعين تقريبا توجه بعض الأصدقاء لمنطقة الصمان. و أثناء جلستهم للشاي و القهوه و حاطين حولهم شراع عن الهوا و البرد. لفت نظرهم إنقضاض طير حر على مجموعة غرانيق بالقرب منهم. فاحتاروا كيف يمسكون به؟ و بعد عدة محاولات للإقتراب منه وهو يطير عنهم و لكن لا يبعد نظرا لأنه لم يستطع حمل القرنوق أو أن القرنوق سقط منه. المهم : الجماعة أخذو يقتربون منه مرات و مرات ويلوحون له بالقرنوق. وفي آخر محاوله و حوالي غروب الشمس أمسكوا به وكان طير حر من أجمل ما يكون ( على حد قول من أمسك به). المهم وأثناء تفحصهم للطير و فرحتهم به يوم أمسكوه. لاحظ أحدهم وجود حلقه في رجل الطير فقرأها فإذا عليها رقم جوال و إسم شخص. و هنا كان لموضوع الأمانة دور. فقد اتصلوا على صاحبه و كان كويتيا ( قيل إنه عجمي). فرد عليهم إني جايكم هالحين بس حددوا لي موقعكم و كان هو في الكويت. أخبروه أنهم مجموعتين: مجموعة من الجبيل و مجموعة من الرياض و اتفقوا على أن تأخذه مجموعة الرياض بحكم المعرفة في التعامل مع الطيور. حضر صاحب الطير و استلم طيره. شاكرا لهم و مقدرا أمانتهم. أحد هؤلاء هو الأخ/ منيف الحمد الجوفي. مدير بنك الإستثمار في الجبيل الصناعية.

[جابر العونان]

انا بوضح شغله
ان الطير المذكور فى بدايه الموضوع
راعيه والى صاده ظفيرى علجانى
من اهل تيماء بالجهراء

وفعلا معاه من اخوياه 2
وباعوه 25 الف دينار
وسمعنا كلام ان الطير الان عند امراء من ال سعود

والله اعلم

وانا بنفسى اعرف الى صاد الطير

ولكم الشكر