طلبتك لاتودعني توكل واحتضن فرقاي
ترى مااصعب من الفرقاء سوى دمعات توديعك
لصرت اللي نويت تغيب عن عيني وعن دنياي
ترى مايبري جروحي حجم عذرك وترقيعك
ظميتك وانت في شوفك ينابيعن تصب الماي
قدر غيري لوانه مرتوي يشرب ينابيعك
عسى اللي فاز بك يقدر ينسيك الغلا وذكراي
لواني واثق ن قلبك على النسيان مايطيعك
عروسة من خذا اجمل حبيبه تستحل احشاي
ابارك له وبارك لك وبار ك له بتدليعك
نذر لاجيه بالقاعه وامد من الشقاء يمناي
وخلي مصافحة يده جنازة يــوم تشييــعك
حرام ازرع سنيني فيك واحصد للشقاء مسراي
وطاول دربي المظلم على نغمات تلويعك
ماراح من العمر اكثر كثير ولابقى بالجاي
سوى دمع القصيد اللي سقا مايه مرابيعك
فقدتك والمصيبه غصب فقدانك ماهو برضاي
شتات ولو بكيت العمر كله صعب تجميعك
طلبتك لاتودعني توكل واحتضن فرقاي
ترى مااصعب من الفرقاء سوى دمعات توديعك
اهديكم اخر ماكتبت اتمنى ينال اعجابكم
بقلم غنمان الغانم
دمعات توديعك _ بقلمي
العرض الشجري