~..| بـعـض الصـداقـه للمصالح يبـونـكـ.. |..~

[هجير]

عنوانها اخذ النصيحه ..." في زمنا اليوم ما عاد احد يسمع لاحد ولايتقبل منه ..."



...:" اخذالنصيحه":...



فكر بعقلك لاتغمض جفونك


وأخذ النصيحه جعل ربيي خليك



لاشفت ناسن باللقا يمدحونك


أعرف ترا هرج القفامايسليك



من يمدحك قدام عينك يخونك


ومن يمدحك بقفاك بالقلب شاريك



أحرص على اللي ضاق صدره بدونك


وأترك صديقن بالسعه دوم باغيك



بعض الصداقه للمصالح يبونك


وأليا خذا المطلوب قل وش يبي فيك



عليك في ربع السعد ينفعونك


لو واحدن منهم عن الناس يغنيك



لاصحت ضايق !. كلبوهم ياعونك


ولاغبت عنهم أرسلوا من يناديك



يرتاح لاشاف الفرح في عيونك


ويضيق لاشاف الحزن في حكاويك



أحدن على سر الصداقه يصونك


وأحدن على سد الصداقه حكى فيك



ربع الرخا لاضقت صعبه يجونك


وربع الشدايد واحدن بس يكفيك


ممـا رآق ليـ ..

[اثير]

هجيييييييييير

صح لساانك ولساان شاعرها

وسلم بنانك علي نقلها لنا

يالغلا

قصيده جمعة من النصح بشكل موجز وجميل


توقفت عندها وتدبرت كلماتها



سلمتي لي يالغلا

[أبونو]

بعض الصداقه للمصالح يبونك
وأليا خذا المطلوب قل وش يبي فيك

أبيات ونصائح جميلة في الصداقة
صح لسان شاعرها ولاهان ناقلها ...

[هجير]

ابونو****** اثير

صح بدنكم وشااكره لكم

تواجدكم هنا

ربي يحفظكم

[ريم النواااظر]

هجير
دائما لأختيارااتك الكثير من الفاائده
قصيده جمعت من الحكمه والنصحه الكثير
صح لسانج ولسان شاعرهااا
دمتي بخير
:
:

[هجير]

ريم صح بدنك اختي

شاكره لك مرورك هنا

والله يعطيك الف عافيه