قصيده كتبت في الشيخ عبدالله المنيع رحمه الله

[جي سي ار]

قصيده كتبت في الشيخ /عبدالله محمد المنيع ( رحمه الله )
بمناسبه انشاء دوري رياضي رمضاني
على نفقته

الدوره اللي فرمضان لعبوها
يا حيها و يا حي ناس حضروها

حازت من التقدير أعلى علامه
لانهم بسم راعي الحفر سجلوها

عبدالله اللي غاب هالعيد عنا
مواقفه اهل الشعر ما حصوها

غاب و ترك فقلوبنا حزن كايد
فربيع ثاني والدموع انثروها

من يوم جمعة و الحشود اتوافد
في ليلة كل الحفر ما نسوها

يا ربنا فأسكنه أعلى جنانك
مع النبي واصحابه اللي سكنوها

وعزالله اللي راح انه فقيده
ما ينتعوض و الحفر اسألوها

لكن صدق من قال حكمه تردد
وبقولها وانتم بعد رددوها

ما مات من خلّف وذولا عياله
على طريق الخير دربه مشوها

على المراجل و الكرم و الحميّه
وأفعالهم كل العرب شاهدوها

الله يحفظهم و يستر عليهم
ويقبل دعاوي الخير لامن دعوها

والجمعه اللي يالمنيعي تبارك
فيها من أهل الخير ما ضيعوها

على ثلاث أيام جمعه و لمه
و شبابنا بحضورهم جملوها

فيها تعارف والتقاء و محبه
اهداف للمجلس و هم حققوها

اشكر على التنظيم ناس واجد
اذا طلبنا جاوبوا بأزهلوها

وماهي غريبه دام حنا دواسر
شبابنا لا تعقدت حلحلوها

يا عيدنا دايم عسى الله يعيدك
وحنا بخير ونعمة فاشكروها

الشاعر دكتور/حمد المنيع

[محمد البرازي]

الله يرحم من جعل ذكره يعيش * بعد الوفاة وبعد ركز النصايب .
الله يرحم أبو محمد العبارات لا توفيه حقه ..
والله يبيض وجه صاحب هذه الابيات الرائعة .

[ريم النواااظر]

؛

الله.يرحمه.ويسكنه.فسيح.جنااته
قصيده/رائعه
سلمت.يمناك.اخي.للنقل.المميز

/


تنقل.لقسم.القصائدالمنقوووله


ِ