[align=center]أخواني وأخواتي زوار وأعضاء وإدارة منتديات الحفر أسعد الله صباحكم ومسائكم بكل خير وسرور هذه قصيدة أهديها لكم جميعاً ولو أنها محزنه بالنسبة لي وربما أنها حدثت مع أحدٍ منكم ولكن واقعة وحدثت لي وحبيت أن أنقلها بكامل فصولها والشكر الجزيل لمن مر من هنا وعقب ووقع لان مروركم هو الوقود الحقيقي لي لاأريد الاطاله تفضلو وأقرؤوها والحكم لكم. [/align]
[poem=font="Simplified Arabic,5,black,normal,normal" bkcolor="transparent" bkimage="" border="double,4,deeppink" type=2 line=0 align=center use=ex num="0,black"]
الله مـن عيـنٍ لهـا النـوم مــالاق=ياكـون خاطـي غفـوةٍ فـي دقيقـه
روابـعٍ جتنـي جسيمـات وإدقــاق=من عقبها والصدر جاء فيـه ضيقـه
ضاقت بي الدنيـا الوسيعـة والآفـاق=وأمسيت في بحـر الهمـوم الغميقـه
أسبابهـا لوعـات وآهـات وإفـراق=فرقا الرفيقِ إليا إنتـزح عـن رفيقـه
ياشين فرقى اللي لـه القلـب يشتـاق=ياشينِ فرقـى عاشـقٍ عـن عشيقـه
إقطعـك يادنيـاً وراهــا التـفـرَاق=كـم فرَقـت بيـن الشقيـق وشقيقـه
لكـن أنـا بآقـولِ قــولٍ بميـثـاق=قـول السديـري للقلـوب الرقيـقـه
ياليت ربـي ماخلـق حـب وإفـراق=ولايجي فـي الحـب شـيءٍ يعيقـه
يوم الخميس اللي مضى وقت الاشراق=تفجَـرت بأقصـى الظمايـر حريقـه
علـمٍ لفانـي عقبـه القلـب مافـاق=ياليتهـا كذبـه ولاجــات حقيـقـه
قالوْ عشيـرك يادغـش للعهـد بـاق=بـاق العهـود الماضيـاتِ الوثيـقـه
قلت أخبروني ياعرب صرت منعـاق=قالوْ غزيـر الزيـن راحـت وسيقـه
تزوجـت معشوقتـك وأنـت عشَـاق=تطـرد سـرابٍ مايسـرَك بريـقـه
وأخذتنالـي قطعـة أيــام بسـيـاق=آحـل وأربـط والمشاعـر شفيـقـه
لين إتضحلـي منـه عقـب التحقَـاق=وعرفتنـا العلـم الخفـي والحقيقـه
زواجها غصبٍ مـن الوالـد العـاق=ومجبـورةٍ غصـبٍ علـى ماتطيقـه
فلاصار أبوها من شريسين الاخـلاق=لايستـمـع للـشـورِ ولا يطـيـقـه
ودَه ينـفـذ ماطـرالـه ومـــالاق=لو كان ربعه تعتـرض فـي طريقـه
ماهمَه اللـي بالهـوى راح محـراق=ولو كان كل النـاس راحـت حريقـه
فحسبـي عليكـم ياخبيثيـن الاعمـاق=الله يـزيـل الظالمـيـن المعـيـقـه
يوم إحرموني سيـدِ تلعـات الاعنـاق=زيـن الحلايـا والوصايـف خليقـه
مـن عقبهـا والجـو للبـال مـاراق=ومـن عقبهـا ماتـت ورود الحديقـه
وأسج وأرجع مع ذعاذيـع الاشـواق=وأجلس بقاع الرجـم ساعـه وأويقـه
ومن بعدها نكتب على بيـض الاوراق=بيوتِ شعـرٍ فـي الغـزال الرشيقـه
أربها تجبـر عـزى خاطـرٍ ضـاق=وتحسن عزى قلـبٍ سبوقـه طليقـه
وياليت ربي ماخلـق حـب وإفـراق=ولاحصل في الحـب شـيءٍ يعيقـه[/poem]
[align=center]مع تحيات محب الجميع الرهاوي ( دغش الدوسري )[/align]
المواضيع المتشابهه
[/align]
العرض العادي
