تأمرين أمر حبيبتي
سوف أختااار لك الابياات التي تعجبني
ــــــــــــ
الشاعر خالد الفيصل:
حدر القمر صوّت لخله وناداه
ثلاث مرات وبالرابعة ون
حدر القمر يا ما همس له وناجاه
وعيونهم ياما بنوره تلاقن
والبارحه عدا على الذيب بعواه
واقفت ظنونه بالليال يتعادن
مرٍ حوالينه ومرٍ تعداه
ومر تضاحك له ومر يتباكن
هذي سواة اللي عن النوم قزاه
طيف الحبيب اللي على خاطره عن
ان شافت عيونه جمال تمناه
وان صوت القمري لصوت الهوى حن
الجارحه تجرح وتسري وتنساه
وجروح مجروح الليالي تساقن
والخافيه طعنة زمانه تمثناه
والبينه عنها عيونه يبوحن
ـــــــــــــــــــ
الشاعر طلال الرشيد:
انتي بكف وباقي الخلــق في كف ... متعليه في وســـط قلبي ولك شان
في غير وصلك مالقلبي ترى شف ... محتاج لك يا نور عيني وشفقان
لا جابوا اسمك صرت انا تقل مختف ... مالي على نفسي الى اطروك سلطان
من غير حبك غضت عيوني الطرف ... ياللي جمالك صار للزين عنوان
اريــــد انا قربك ترى ياغذا الحرف ... وان ماحصل موتي ودنياي سيان
ـــــــــــــــــــ
الشاعر ناصر القحطاااني:
يسعد صباح الفقر ياللى تذمينه
فى ذمتى ماانتى من الفقر معذوره
ما شلت هم الرغيف اللى تشيلينه
كل الهموم لسواد العين مذخوره
سلسالك الفضى اصلا لو تزمينه
ماراحت اكثر عقود الماس مغروره
والازرق الرث ياملحه ويازينه
ابهى من ارض نهار العيد ممطوره
ولله لأغنى لفقر غنت سنينـــــه
لين ايسر المترفات تموت مقهوره
قالو لى ان الجدايل اللى تربينه
معه تربين حلم فاحت عطوره
قالوا بذاك الركن سر تـخبينه
ومرايه من رداة الحظ مكسوره
لاينكسر مثلها الخاطر وتشقينه
تمنظرى فى المرايه حى ها الصوره
مذكور جرح ورا الاضلاع تخفينه
وتحت المخده رسالة عشق مذكوره
وقت مضا ملمس اللعبه تمنينه
واليوم خضر القلوب العاب منثوره
الحزن ليه العيون السود فى عينه
والبحه اللى ترد الروح مذعوره
فقر ستير ولا ازكى من رياحينه
ولانعيم فضوح تغرق زهــــــوره
يازمة الغيم وارخاية هدب عينه
ماقلت لك ماانتى من الفقر معذوره
ــــــــــــــــــــ
الشاعر الوطني:
راح فكري في غياهب ليـل مدمـي بالهمـوم......وأفتكرت اللي سبا قلبي وثمـا ً ولعّـه
يوم راجت ذكريات الحب ضاعت بي اعلـوم..... وكن قلبي من جذوره ينشلع من موضعه
إرتكيت وقمت أقلّـب ذكريـات ٍ بـي تحـوم......أتلذذ فـي طواريهـا ولوهـي موجعـه
أجحد الآهات فـي قلبـي وأنـا قلبـي كتـوم....... خايف ٍ غيري ونيني بالحنايا يسمعـه
أذكره وأعيشه بقلـب ٍ علـى طيفـه رحـوم......وأحلم بشوفه وأقول الله يهني من معـه
يا لياااااال الصبر جودي ما بقى فيني اعـزوم......وأمسحي دمع ٍ من الفرقا يجرّح مدمعـه
ما حسبت إن الغلا عقب البطا فينـي يـزوم...... إثر قلبي كل هالمده غلاهـا يرضعـه
ـــــــــــــــــ
الشاعر فواز الشمري:
مادعانـي للكتابـه وتنظـيـم القصـيـد
غير شـيٍ يوجـع الكبـد والله العظيـم
شفت انا بنات مركوبهـم جيبـس جديـد
مع لهن سواق في تالـي الليـل البهيـم
في تمـام الساعـه اثنيـن والله الشهيـد
وين صارت ؟ لعنبو جد من دشّر حريم
مايخلـي حرمتـه باجنبـي غيـر البليـد
وين وجهه يرقد الليل والحرمـه تهيـم
ينقله في كل شـارع مثـل راع البريـد
اللهم لا شمـاتـه وعـفـوك ياكـريـم
ان بغـت تستـأذن تقـول مانبعـد بعيـد
ومادرى لو تسري الليل مع خط القصيم
وكل ماطبت لهـا سـوق قالـت مايفيـد
تقضي الساعات بيـن العليـا والنسيـم
لعنبو وقـتٍ بـه البنـت حطولـه عبيـد
مايصير بدين الاسـلام وافهـم يافهيـم
يالرجـال الستـر قدامنـا يـومٍ شـديـد
لاتغر زينـة الوقـت والعاقـل خصيـم
ويابنـات الديـن قدامكـن يـوم الوعيـد
التعوذ حق مـن كـل شيطـانٍ رجيـم
الستر هو زينة البنـت والحـظ السعيـد
احذري والخوف من محيي العظم الهشيم
ياسلام الله على اللي حياهـا لـه رصيـد
بنت ناسٍ عن سواليف كل ابلـه حشيـم
يابعـد مـن شالـت الفيصليـه والعنيـد
ويابعد من قالت ادّن وهاتـن (ياسليـم )
ـــــــــــــــ
الشاعر سلطان العصيمي
ياخوك يانايف تـرا البـال ضايـق
خل السواليـف المزوحـه لبعديـن
لاصرت مستانـس وبالجـو وفايـق
ترا خويـك دمعتـه فـوق رمشيـن
جتني رساله منـه تحمـل حقايـق
ويشرح لي اوضاعٍ عليها الزمن شين
يقول جاء يطلـب ولرجـل سايـق
آ وافق عليه ابوي وامي والاخويـن
ويقول قبـل اسبـوع عقـد وثايـق
واصبحت انا وياه فعـلآ عروسيـن
واليوم فـي جـده وصرنـا رفايـق
نقضي بها احلى عمر حول شهريـن
ساعة زمن والشمع مثـل الحرايـق
وهذي الحقيقه بيـن حـب ومحبيـن
ــــــــــــــ
الشاعر القطب الشمالي:
قرّب العيد والمحبوب عنـي بعيـد
أتوجـد عليـه ودمعتـي حـايـره
والهواجيس في صدري وقامت تزيد
تصطفق كنها أمواج البحـر ثايـره
كل ماقلت : هادت عودت من جديد
أشهد إن المحبه ... ياملا جايـره
والسهر صار للعين الشقيـه بريـد
بين جنح الدجى ونجومه السايـره
أتذكر لطيف الروح عنـق الفريـد
وتخيـل صعـوده سلـم الطايـره
كان ماجا من المجمول علمن وكيـد
وبشرتنـي وقالـت للبلـد زايـره
والله إنه ولو صبري يقص الحديـد
مستطيع انتظر دور السنـه دايـره
الوفا والرجاء والعزم نعم الرصيـد
والتعاسه نصيـب العالـم البايـره
ـــــــــــــــــــ
وشكرا لكي
العرض العادي
