( سوالف وضحك ولاتخلي من أمور هامه في مجال الأسهم )
تعرفون صديقي دحيم
صفقها يمين شمال عية تمشي معاه
حتي إذا خسر حدا من ربعنا
قالوا ( دحيم يعرق فيك )
لو إنه بالقرابة بعيد
وجت هبت هاللأسهم اللي نشهدها حاليا
وأول يوم استفاد حروت ألفين وبدت شوي شوي تمشي معاه
وقبل تتغير نظرة ربعنا له
جاك على منكس رأسه بأسهم المجموعة السعودية
في نزولها الأخير
وصفي أسهمها بخساره وسدد فلوس متسلفها
وصفي بجيبة خردة دراهم ماتسقية ماء
ومن خلال جلسته طيلة هذه الفتره في أحد البنوك
تعرف على كم شخص من تجار الأسهم
وبيني وبينكم دحيم إذا عرفته ماتنساه
من سوالفة التي تموتك من الضحك
وخاصة إذا سولف لك عن مشاريعة اللي مثل خشته
ههههههههههه لايسمعني وربي ليسطرني
المهم قال أحد تجار الأسهم
إسمع يادحيم فلوس لاتدور عندي فلوس
بس شفني وأنا أعلمك ركز معنا
وأنت ساكت وإذا شفتنا شرينا بأي سهم إشتر مثلنا
وإذا بعنا بيع معنا وخلك على هالموال
والحين بعد توفيق الله عز وجل له
يحمد ويشكر
=================
أدري راح تقولون
من وين لنا بمعرفة هالتجار وحنا مطفرين
خلونا نفكر شوي أنا بعد مثلكم وأطفر منكم
================
راح نسأل أنفسنا عدة أسئلة ونحتفظ بالاجابه لأنفسنا
س1/ هل نتعرف على أحد موظفين صناديق الاستثمار أو الموظف المختص بالحافظات الموجود بصالة التداول ؟
س2/ هل جلوسي بصالة تدوال الأسهم يتطلب مني التفكير قبل تحديد المكان ؟
================
وتقبلوا تحياتي
لانسرق ولكن هذه تجارة الأسهم
دراساتها تمنحك 25%
والنسبة الباقية 75% يحكمها بشر مثلنا
ولايعلم بعلم الغيب إلا الله
وفي الختام ذكرتني سوالفي باللأسهم
بجيرانا وحنا ( وغدان ) طبعا وغدان بلهجة تسواهن
ههههههه وحنا لهجتنا إذا بغيت تقول حليب
تقول حلييييييب
المهم
وكانت الحاره تلقي بأكثر السطوح
حمام كلن هب فيها مثل هاللأسهم
وأذا جاء العصر كلن هد حمامه وقام يصفق له
والشاطر اللي حمامه يجذب حمام الثاني
وكان فيه واحد يقاله عوير إذا هد حمامه
إنخرشوا كلهم منه عشانه يعرف هناديب الحمام
واللي مثل حالتي تلقا عويناته بس تبحلق في السماء
خلاص ماراح أطولها مع السلامه وأعتذر عن كتابتي الموضوع في هذا القسم
المواضيع المتشابهه
العرض العادي
