[align=center]السلام عليكم
الحقيقة موضوعي مو غريب على اغلب الاخوان
وأكيد اكثر من واحد سبق وان تعرض لتوقيف مفاجأ من رجال مكافحة المخدرات الله يكون بعونهم ويسدد خطاهم
بس انا عندي ملاحظه على طريقة توقيف المواطنين وتفتيشهم من قبل رجال المكافحة الله يجزاهم خير
اليوم جاني واحد من الزملاء وذكر لي موقف تعرض له
وصراحه استغربت
يقول انه كان جاي من طريق الشمال ودخل الحفر من الغرب وكان في شارع مظلم وفجأه جت سياره مدنيه قدامه وسياره خلفه طبعن هو معاه اهله وسيارته مغيمه يعني ما احد يقدر يشوف من معه
طبعن الرجال يقول هذي اول مره يتعرض لمثل هالموقف
المهم الرجال يقول اول شي فكرت فيه انهم من الشباب اللي نواياهم سيئه وعلطول فتح درج سيارته يبغى يسحب المسدس وتفاجأ انه منزل سلاحه بالبيت يوم كان ينظفه ونساه بغرفته
يقول حاولت اني اتفادهم لين اقل شي اوصل شارع الستين والاناره وفعلن هذا اللي حصل وبعدها وقف ونزل كم واحد من السيارات المدنيه وقالو له معك مكافحة المخدرات
طبعن بعد ما دب الرعب في قلب زوجته واطفاله
طيب انا ابغا اعرف لو ان الرجال ما نسى سلاحه في بيته وش كان بيصير ياترا
منطقه مظلمه واهلك معك وتجيك سيارات مدنيه ويجبرونك انك توقف وبطريقه اجباريه
انت لو كنت مكانه وش بتسوي
والله ياجماعه اشوف انها طريقه غير صحيحه وياخوفي نسمع مالاتحمد عقباه بسبب الموضوع ذا
والمفروض يكون معهم سياره رسميه او اي شي يثبت انهم جهه رسميه على الاقل
اترك التعليق للأخوان
وآسف على الاطاله[/align]