للخسرانين بالأسهم..........

[غيور على ديرتي]

قفا نبك من ذكرى نزول المؤشر
.............. وسوق بأنواع الخسائر ممتلي

قفا نبك والجمااز كدر خاطري
.................عساه بعد هاليوم يصبح سمكري

قفا نبك أيام مضت لنا وتداول
.............. وكنا لا نبيع السهم حتى يدبلي

قفا نبك والشاشات أعمت عيوننا
.........ونحن نطالع لونها أحمر كالجلي

وكم غرنا ذاك المؤشر مرة
................ وقلنا ندبل راس مالنا ياعلي

وقلناأخترقنا فوق عشرين نقطة
........ومن بعدها صار المؤشر منحني

وأصبح ذاك المؤشر أحمر
............. كجملود ضخر حطه السيل من علي

قفا نبك والأيام تبري جراحنا
........ وغيمة تجي من بعدها غيمة تنجلي





خذوا هذي النكت ووسعوا صدوركم والعوض الصحة والعافية الله يديمها على الجميع:

-عربجي تدعي له جدته : جعل يومي قبل يومك، رد عليها: أيه بعد هذي مايبيلها كلام.
-مستهبل تزوج وحده مستهبله، جاهم ولد يسوي نفسه ميت.
-فار سكران دخل على قطاوه وقال لهم: كلكم مسحره، رد عليه قطو أسود: وش تقوول؟ قال الفار: ماعدا أبو سمره.
-محشش يسأل: اليوم السبت ولا الأحد، قالوا له: الأثنين، قال : ماشاء الله كلهم مجتمعين!!
- بطه منسمه تقول لراعي بقالة: عندك عنب؟ قال : لا
راحت ورجعت مرة ثانيه وقالت: عندك عنب؟ قال: ماتفهمين ماعندي وترا أذا رجعتي مرة ثانيه بأربطك عند المحل.
راحت وبعد شوي رجعت وقالت: عندك حبل، قال : لا ، قالت:طيب عندك عنب؟؟!!!
- سألوا محشش ، وش أصعب شي؟ قال: أنك تحدد السكسوكة وانت تاكل علك!!
-واحد غبي جاه ولد، سماه "يبه" على أبوه
-قهوجي جاه مولود قالت زوجته: ورى عيونه صفر؟ قال: خليه شوي مابعد خدر!
قال الأسد للحيوانات: الحلوين يوقفون عاليمين والأقوياء على اليسار، راح القرد وقف بالنص، قال الأسد: وشفيك خبل ماتفهم؟ رد القرد: يعني أشق نفسي نصفين؟؟
- واحد ضرب محشش كف. سأله المحشش: مزح أو جد؟ قال:جد، قال: أشوى لأني ماأحب المزح أبد.
- شرطي محشش شاف واحد معه دباب ويرفع غزاله، عطاه مخالفه وكتب محاولة طيران!!
- محشش يغازل بالسوق وكاتب على فنيلته "الهيئة في قلوبنا"


أدري 99 % منها قديم بس هذا الموجود

ودمتم رابحين