تكفون ياهل الحفر تكفون

[بـرق الـسـحـاب]

وبعد بكلف عليكـم الله لايهينكـم

أنا عزابي فيه شقق مفروشة سعرها متواضع اسكن فيها ابي اساميها

[تركي الوايلي]

اقتباس: المشاركة الأصلية كتبت بواسطة بـرق الـسـحـاب    جعل عمركـ سعيد اخوي ولد وايل غريب عن منطقتكم انا يعني احجز تذكرة من جدة الى القصيم وبعدها السابتكـو وكـاد فيه وافكر برفحاء يقولوا اقرب للحفر بس مدري طريقها وهل فيها نقل جماعي او طريق زين اتمنى ألقى جواب بيض الله وجيهكم ماقصرتوا ومطار مدينتكم تتعدل احواله برغم مزعلني والله رحلات مافيه

الله يسعد ايامك ياغالي ماسوينا شيء

رفحا ايضا يوجد بها مطار وكذلك نقل جماعي
لكن ماني عارف اذا فيه رحلات جويه اليوم او غداً الاثنين من جده الى رفحا

انت اتصل على الخطوط السعوديه

واسألهم وقول لهم فيه رحلات اليوم من جده الى رفحا اذا مافيه الى رفحا
مالك الا منطقة القصيم

مع الرغم اني عارف ان رفحا اتوقع رحله او رحلتين بالاسبوع مثلها مثل مطار حفر الباطن

نصيحتي لك مالك الا القصيم هذا انت مستعجل

الله المستعان بس ياخوي الكريم

اغنى دوله بالعالم لكن الخدمات من سيئه الى سيئه

عموماً لاتنسى تتصل على مكتب الخطوط السعوديه او يفضل انك تتصل على مطار الملك عبد العزيز الدولي بجده افضل واحسن علشان تضمن موعد الرحلات بشكل ادق وافضل لتأكيد الحجز

وفالك التوفيق ياصاحبي .

[فيصل س]

بالنسبه لرفحاء تبعد 270 كيلو تقريباً وفيهآ نقل جمآعي لان قبل فترهـ جآي خووي من رفحاء يبي يختبر بالحفر

[تركي الوايلي]

اقتباس: المشاركة الأصلية كتبت بواسطة بـرق الـسـحـاب    وبعد بكلف عليكـم الله لايهينكـم أنا عزابي فيه شقق مفروشة سعرها متواضع اسكن فيها ابي اساميها

تعبك راحه ياغالي

الشقق المفروشه متوفره بكثره وكذلك الفنادق

وطبعاً الاسعار ماعندي خلفيه عنها والله يمكن الاخوه الاعضاء عندهم خلفيه عن هالشيء .

[بـرق الـسـحـاب]

من جدة, المملكة العربية السعودية إلى رفحاء, المملكة العربية السعودية - الاثنين 16 مايو 2011


الضيافة


09:10 جدة (مطار الملك عبدالعزيز الدولي) 11:00 رفحاء (مطار رفحاء) 0 محطة الوقوف 1h 50m
330 ريال



بختار رفحا اقرب لي عشان بجي الحفر عن طريق الـبـر ان شاء الله وفيها نقل حسب موقع السابتكو ,

الوايلي & فيصل س فالكم الطيب ويامال السعد طول العمـر

[تركي الوايلي]

اقتباس: المشاركة الأصلية كتبت بواسطة بـرق الـسـحـاب    من جدة, المملكة العربية السعودية إلى رفحاء, المملكة العربية السعودية - الاثنين 16 مايو 2011 الضيافة 09:10 جدة (مطار الملك عبدالعزيز الدولي) 11:00 رفحاء (مطار رفحاء) 0 محطة الوقوف 1h 50m 330 ريال بختار رفحا اقرب لي عشان بجي الحفر عن طريق الـبـر ان شاء الله وفيها نقل حسب موقع السابتكو , الوايلي & فيصل س فالكم الطيب ويامال السعد طول العمـر

اجل توكل على الله واحجز على رفحا وكويس دام انك حصلت على رحله

وتوصل بالسلامه ان شاء الله .

[فيصل س]

توصــل بـالـسـلآمـه

[بـرق الـسـحـاب]

الله يسلمكم وجعل دياركم عامرة بكم وبالأجاويد أمثالكم

[جروح الذاكرة]

الله يهديكم

الرجال يقول أبي الحفر وأنتم تقدمون له نسخة من برنامج ربوع بلادي .

اللي أعرفه إن الرحلات من جدة إلى حفر الباطن إنقطعت لفترة معينة وعادت مثل سابقتها وبزيادة في عدد الرحلات . كلمت أحد العاملين في المطار ــ طبعا ً عسكري ــ يقول متأكد إن فيه رحلات يومي الأربعاء والجمعة ، لكن رحلات السبت والأثنين كانت موجودة ولا أدري هل مستمرة أم لا .

أنت يا برق صاحب الشأن ، بإمكانك زيارة أقرب مكتب سياحي خاص او مكتب الخطوط السعودية وسؤالهم حتى تتأكد ، بدلا ً من الذهاب إلى رفحا وحريملاء


وبالنسبة للشقق والفنادق ، بإمكانك الإطلاع على دليل حفر الباطن التجاري عن طريق الرابط التالي

دليل حفر الباطن عاصمة الربيع

لكن لا تخاف ما عندنا غرفه بثلاثمية ريال مثل الشرقية والرياض وجدة ، الأسعار زهيده في حفر الباطن .


توصل بالسلامة

[بـرق الـسـحـاب]

اقتباس: المشاركة الأصلية كتبت بواسطة جروح الذاكرة    الله يهديكم الرجال يقول أبي الحفر وأنتم تقدمون له نسخة من برنامج ربوع بلادي . اللي أعرفه إن الرحلات من جدة إلى حفر الباطن إنقطعت لفترة معينة وعادت مثل سابقتها وبزيادة في عدد الرحلات . كلمت أحد العاملين في المطار ــ طبعا ً عسكري ــ يقول متأكد إن فيه رحلات يومي الأربعاء والجمعة ، لكن رحلات السبت والأثنين كانت موجودة ولا أدري هل مستمرة أم لا . أنت يا برق صاحب الشأن ، بإمكانك زيارة أقرب مكتب سياحي خاص او مكتب الخطوط السعودية وسؤالهم حتى تتأكد ، بدلا ً من الذهاب إلى رفحا وحريملاء وبالنسبة للشقق والفنادق ، بإمكانك الإطلاع على دليل حفر الباطن التجاري عن طريق الرابط التالي دليل حفر الباطن عاصمة الربيع لكن لا تخاف ما عندنا غرفه بثلاثمية ريال مثل الشرقية والرياض وجدة ، الأسعار زهيده في حفر الباطن . توصل بالسلامة

استفدت كثير من الرابط جعل روح والديك للجنـــة

لاعدمناكـ

ودمت بكل الخير والسعادة