[poem=font="Simplified Arabic,6,red,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يـالـي عـلي بنظرة العين سلمت=عـسـاك تـسلم لي وتسلم عيونك
اشـرت بـعـيـونك ولو ماتكلمت=خـايـف مـقاريد العرب يكشفونك
وانـا مـن الـنظره وعينك تألمت=وبـغـيت اقوم وحالو الناس دونك
وراجعت نفسي ثم قلت الزم الصمت=وفـكـري تعلق بين صفت جفونك
وصـابتني الدهشه ومن بعدها قمت=وشـفـت الاوادم كـلهم ينظرونك
وزاحـمـت كل الناس حتى تقدمت=وصـارو وراي الـناس ويتابعونك
وطـلـع لي مطوع وعنده تلعثمت=رد الـسـلام وقـلت ماني زبونك
قـال انـت يوم انك عليها تهجمت=مـاتـدري ان الـهـيئه يأدبونك؟
وجـاوبت انا ياشيخ في حبها همت=قـال انـثبر ترا العرب يسمعونك
قـلت المصيبه يوم بالصدق علمت=يـامـطوع الهيئه ماتعرف شئونك
قـال اسحبه ياعسكري واكمته كمت=وازهـم رجـال الـهيئه يساعدونك
والا انـت يـاهـذا الفتى ماتعلمت=هـالـحين خل اهل الهوى ينفعونك
وتـشـتتت كل الطموح وتحطمت=يـاشـيـنها لاصار حظك يخونك
ومن عقبها ياسوق الاحباب حرمت=مـاجـيـك مـادام الجماعه يجونك
والا انـت يالي بالكحيلات سلهمت=امـوت واحـيا في محاجر عيونك [/poem]