[align=center][align=center]السلام على الحبايب
بقولكم يا بنات سالفتي مع شعري...كان مثل الليف حتى المشط ما يدخل فيه
(( والله خواني يومني صغيرة يضحكون علي يقولون لامي خوذي خصله من شعر فلانه وغسلي فيه المواعيييييييين ))
وعاد انا من هذاك الوقت وانا متعقدة من شعري , ما خليت شي ما سويته , شي خلطات وشي دهونات حتى زيت سيارات حطيت(( خخخخخخخخ امزح ))
بس للاسف ما نفع ولا شي
المهم مالكم بالطويلة ,,,, عاد في احد الايام الغابرة ( حلوة مني هااااا ) بشهر 6 كنت رايحة مشغل احف وجهي واعدل حواجبي واشوفهم يسون شعر وحدة
ويمكن يشتغلون فيها ثلاث فلبينيات وحيل مهتمين بالمواد اللي يستخدمونها وطريقتهم غريبة يعني مشتطات بنات الحلال ,,,
وطبعا ما تفوتني هالحركات ,,,
سالت صاحبة المشغل قالت هذا مادة لتنعيم الشعر ,, وطنت الفكرة براسي واخذت رقم الحرمة اللي كانو يشتغلون فيها ,, قلت بسالها بعد فترة عن شعرها .
وصج دقيت عليها بعد اسبوعين ,, وانصدمت من كلامها ,, تقول والله شعري صار ناعم وحلفتها بعيالها وحلفت ... عاد استخرت ورحت سويت شعري في بداية شهر سبعة ,,,,,,,
النتيجة ...... تذكرون ليف المواعين الي قلتلكم عليه بالبداية ,,, صار حريررررررررررررررر
يااااااااااو يابنات صار شعري مثل الزبدة شفتو شعور الفلبينيات , والله شعري الحين انعم واحلى والاهم من هذا انه ما اثر على شعري لا تساقط ولا تكسر ,,, حتى اني من الشفاحه 24 ساعة فاله شعري والوفح ... وقبل استحي افله اذا ما سويتله سيراميك على طول لافته وحاطه شباصة ,,,,,ولي الحين ثلاث شهور من سويته ولا تغير ... والحمدلله الي انفكت عقدتي ونعم شعري[/align][/align]