[align=center]امشـي بهالدنـيـا وانــا ساهـيـاً مــال
ياكيـف يخطـر دنيـتـي شــيّ سـالـي
الناسِ ِ نفس الناس وحالي هي لحال
مـعـزولِ لـكـن وش يفـيـد اعتـزالـي
معقولـه اللـي صابنـي يتعـس الحـال
وليّـه ثـلاث سنـيـنِ قـاطـع وصـالـي
ودنيا تحدحدنـي علـى شوفـة الجـال
يـا جـال ِ شوفـك مثلمـا طيـح عـالـي
ياجال ِ جالـك مـن جـلا رافـع الشـال
يـاجـالِِ تـذكـر سيلـهـا يـــوم جـالــي
يا جال ِ كم مـرّة سنـه عشـت رحّـال
يـاجــال ِ معـقـولـه بـعـيـداً وغـالــي
مـن يـوم قفّـت ظهرهـا يــوم هـمّـال
ودمــوع تمـطـر عينـهـا بإنهـمـالـي
قفّـت وقفّـت بعـدهـا شـهـور ولـيـال
وفرقـاه عيـى يرتـحـل عــن خيـالـي
وادري وش اللي رجّعه داخـل البـال
جــرّة خـلـوج بخـافـقـي يـــمّ بـالــي
راحت جنوب ورحت انا عنه لشمال
وصار الفـراق اللـي بـدا عنـد جالـي
سبّـة ولـد عمـن لـهـا صــار رجّــال
واغـــراه خـالــه طـامــعً بالـحـلالـي
وجـانـي خبـرهـا ينقـلـه كــل عــذّال
والـنـاس تنـقـل حكـيـهـا بالـجـدالـي
وفزّيـت فاجـع ارتـجـي كــذب قــوّال
وصـرت الغريـر اللـي فقـد أمِّ تـالـي
حـبّـه عفـيـف ولا يغـطّـيـه غـربــال
وعلـى النقـا وصلـه بصبـح وليـالـي
قالو وقالو وان/صدق قـول مـن قـال
يـا(.....) مـال النـاس مالـك ومـالـي
وقالـو وقلـت وكلـمـة الـحـق تنـقـال
السلـم فــي بـعـض العـوايـد محـالـي
وكان المراجل صنعها شماغ وعقـال
حذفـت فـي وجــه المـراجـل عقـالـي[/align]
العرض العادي
