أبوحميد اهداء خاص

[أبو حميـــد]

اهداء قصيدة للشاعر / محمد السميري لكل من شارك بمواضيعي

وتعتبر مشاركتهم كرم منهم لتشجيعـي بالاستمرار وهم كلا من :

المشرف العام الذي يعجز القلم عن وصف كرمه وتواضعه

المشرف الوطني والمشرف الاسير مشرفيني الخاصين

المشرف الجنتل اخي وحبيب البي

المشرف الفجر البعيد صديقي الحميم

المشرف الفارس المبدع

المشرف الضامي والمشرف الرحال واقدم لهم تهانينا

شاعرنا سلطان العصيمي وعيد السعدوني الذين دوما نفتخر بهم

اخت الجميع تسواهن

السيل حبيب الكل

الحميداني ضياء المنتدي

والاخوان ابوريان وسلطان وشقران والفارس الملثم والمكنون

ولجميع اعضاء منتدانا الشامخ دوما وابدا









يـا حمـــــــــــــــــود انـا والله مانـي بكـذاب
انـا عـدو الكـذب وانـا خصيـمــــــــــــــــــه


من كنت طفل اصغير وادركت الاسباب
نفسـي عزيـزه ماقبلـت الهضيمــــــــــــه


ولاخذت يمنـاي مـدات الاصحــــــــــاب
اصـارع الدنيـا بصبـر وعزيـمــــــــــــه


والعبـد يبـلا بالمكـاره والانشـــــــــــــاب
لاكنهـا يـا مسنـدي مـا تضيـمـــــــــــــه


ينصك باب ويفتـــــــح الله ميـــــــة بـاب
وبنـت الضعِيـف نعتبرهـا يتيـمـــــــــــه


ما ني بمن يدرق رفيقـه ليـا غـــــــــاب
ولانـي بمـن ياتـي بليـا عزيـمــــــــــــه


سـج القـدم ساعـه ومبـداً بمرقـــــــــــاب
اخير مـن شوفـت طيـور الوليمــــــــه


ولاني براعي مونـةٍ عنـد الانســـــــاب
ولانـي براعـي جلسـةٍ مستديـمــــــــه


حتى ولو كانـوا عزيزيـن واقــــــــراب
البعد مـا يرخـص للاحبـاب قيمـــــــه


ولاتبع المقفي ولاحسـب لـه احســــاب
مايتبـع المقفيـن غـيـر البهيـمـــــــــــه


اجـازي الطيـب بطيبـــــــــه ليـا طـاب
واصد عـن هـرج القفـى والشتيمـــــــه


ولانخـدع فاللـي تضحـك بالانيــــــاب
القلـب جيفـه والمـلامـح وسيـمــــــــــه


عساه مـن فـدوة كريميـن الاشنــــــاب
اللـي مباديهـم نـضـاف وسليـمـــــــــه


الله واكبـر فالبلـد كنـنـا اغــــــــــــراب
فـي مجتمـع جلـه نفـاق وظليمـــــــه


سود الليالـي تذهـب العاقـل اذهـــــاب
ياصل بها من ضيقـة الصـدر تيمـه


ياكثـر ماشفنـا والأيــام هـــــــــــراب
الوقـت يمضـي والمصايـب مقيمــه


درست درسٍ فيـه مـن كـل هنـــداب
درسٍ حكيـم ومـن رجـالٍ حكيمـــه


درسني الشايب وهو مـا بعـد شــاب
الله علـى عـزه ومـجـده يديـمـــــــــه


اخـذت معـه سنيـن للعلـم طـــــــلاب
يـوم البـداوة والحـيـاة الكريـمــــــــه


ذقنا بها اصنـاف المشقـه والاتعـاب
وذقنا بهـا اللـذات لـو هـي عقيمــــــه


وجدي عليها وجد من طـاح منصـاب
فـي ساعةٍربعـه بــذل وهزيـمــــــــه


ليا نشى مـزن الحيـا كنـه هضـــــاب
علـى اول الوسمـي تقافـا رديـمــــــه


والبل جزت والها اصطفاقه وسـوراب
قامت عـن الراعـي تـذب الخريمـــــه


وقالوا وقيل وجاب الأخبار من جـاب
قالوا شهر ما شقـت الشمـس غيمــه


وجونا العسوس وصاح فالبـدو نبـاب
قالـوا لقينـا قافـي السيـل ديـمــــــــــه


وسقنا العشاير وانتحت جرد الارقـاب
لاكنهـا جـيـشٍ فحلـهـا زعيـمــــــــــه


وحنا ذراها يـوم غـارات الاجنـــاب
ورثٍ لهلنـا مـن عصـورٍ قديـمــــــه


رماينـا قطـاع وليـا رمـى صـــــاب
نروِ القنـا والعظـم نكسـر صميمـه


وبعد ثمان ايـام والمشـي ضبضـاب
مالت علـى نقـع الخبـاري محيمــه


ثم فاحت الأطياب من ريـح العشـاب
يسوقهـا الغربـي بنسمـة نسيـمـــــه


وشوف الطيور اجوال واسراب ٍ اسراب
مـن ضمـن لـذات الربيـع ونعيمــــه


وشوف الخزامى والنفـل فيـه جـذاب
والقحويـان بكـل زهـره رقيـمــــــه


ثم شيدوا سودٍ علـى خمسـة اقطـاب
بيت الشعـر مجلـس ومطبـخ خيمـه


للبـن صبـابٍ وللحـيـل قـصـــــــــاب
يا ما رموا في نارهـم مـن هشيمـه


ودارت علوم الطيـب والنجـر لعـاب
فـي مجلـسٍ مافيـه ناقـل نميـمـــــــه


واخير ذودك بركـن حـول الاطنـاب
عقب العشاء والخلـف حـزة عتيمـه


سرالهـا الراعـي بسطـلٍ ومحــــلاب
وقلت احلب الشرفـا وعمـره وريمـه


نومك بجـوٍ يسحـر العيـن خـــــــلاب
والصبـح يقعـدك الحـوار برزيمــــه


وساقوا على المرعى جماعات واحزاب
لجنـاب والأخـرى عليهـا الوسيمـــــه


وبعد ثلاث شهور من جمـع الاحبـاب
اصفر عود العشـب واقبـل صريمــه


عرقه يبس وامـا رقـاق الـورق ذاب
تلعـب عواصيـف الهبـوب برميمـــه


وتفرقـوا مسنـاد علـوى ومجنــــــاب
كم عاشـقٍ كبـده طوتهـا الحريمــــه


وبانت نجوم القيـض حـرٍ وملهـــــاب
واخـص ساعـات الهجيـر اللئيمـــــه


هاذي حياتي لوبها بعـض الاعجـاب
بيـن البـداوه والحضـاره لزيـمـــــــه


والحمد للفـرد الصمـد رب الاربـاب
كسبـت بالثنتيـن عـلـم وغنيـمــــــــه


انا احسن الإيجـاز واجيـد الاطنـاب
منهج وطرح وشرح وان مـال اقيمـه


مثايلـي نهـرٍ علـى سفـح صبـــــــاب
شـلال مـاه دوا القلـوب السقيـمــــــه


سـمٍ علـى اكبـاد المعاديـن ينســـــاب
ولأهـل الوفـا فيهـا وقـارٍ وشيمــــــه


لانـي بـمـداحٍ ولانــي بسـبـــــــــاب
إلا ليـا قـابـل غـريـمٍ غريـمـــــــــــه


ياحمود لي عن سب الاجـواد مجنـاب
ومدح الردي عيـب ونفـاق وجريمـه


الرزق عندي اللـي لـلارزاق وهــــاب
ماهو بفـي مـدح الوجيـه الكضيمــــــه


كـم واحـدٍ يشتـم ويضلـم ولاهــــــــاب
والظلـم عاقبتـه تـراهـا وخيـمــــــــــه


وهاذي على ما قيـل شريعـة الغـاب
الربـح غايـه والمـبـادي ذميـمـــــــــه


وكم دعوةٍ مـا دونهـا سترواحجــــاب
عن منزل آيـآت الكتـاب العضيمـه


من لا رجا رحمة جزيل العطا خـاب
رحمـن كـل الكـون ربـه رحيمـــــه


للأثـم كسـابٍ ولـلاجـر كـســـــــــــاب
والموت فـراق الفتـى عـن حميمـــه


اعـز مـن تذكـر يغطيـك بتـــــــــراب
امـا نعـيـم القـبـر وإلا جحيـمــــــــــــه


شرحت عن بعض المواضيع بأسهـاب
ومريـت بالأخـرى خطايـه هميمـــه


مجيت سايقها علـى السـوق جــــــلاب
هديتـي لأهـل العـقـول الفهيـمــــــــــه


ليا نحرف عن منهجـه كـل مرتــــاب
انـا علـى نهـج الأصالـه نديـمـــــــــــه


وصلوا عدد مـا زل مذنـب وماتـاب
علـى رسـول الله نبـيـه كليـمــــــــــــه

[الوطني]

الله اللـــــــــــــــــــــــــــــــه يا بوحميد

وش هالدره وش هالدره

صح لسان الشاعر الكبير محمد السميري

وبيّض الله وجهك على هالإهداء الغالي

والله يا أبوحميد إن هالقصيده من أروع ما قريت بالشعرلشمولية المعنى وجزالته

لذا ألف ألف شكر على هالإهداء ولا حرمنا الله وجودك يالغالي

هذا ولك وااااافر المحبه والتقدير

من أخووووووك المخلص ........................ الوطني

[سلطان العصيمي]

[ALIGN=CENTER]ياسلام ياسلام يابو حميد


عز الله ماقصرت وبيض الله وجهك يالقرم


صح لسانك ولسان الشاعر الكبير محمد السميري وسلم ذوقك واختيارك وشاكر لك هذا الإهداء


والله ولالك علي يمين اني اقراء القصيده واحس شعر راسي يوقف لما فيها من معاني اصيله وغاليه على قلبونا ووصف رائع لحياة البداوه

درست درسٍ فيـه مـن كـل هنـــداب
درسٍ حكيـم ومـن رجـالٍ حكيمـــه


درسني الشايب وهو مـا بعـد شــاب
الله علـى عـزه ومـجـده يديـمـــــــــه


اخـذت معـه سنيـن للعلـم طـــــــلاب
يـوم البـداوة والحـيـاة الكريـمــــــــه


ذقنا بها اصنـاف المشقـه والاتعـاب
وذقنا بهـا اللـذات لـو هـي عقيمــــــه


وجدي عليها وجد من طـاح منصـاب
فـي ساعةٍربعـه بــذل وهزيـمــــــــه


ليا نشى مـزن الحيـا كنـه هضـــــاب
علـى اول الوسمـي تقافـا رديـمــــــه


والبل جزت والها اصطفاقه وسـوراب
قامت عـن الراعـي تـذب الخريمـــــه


وقالوا وقيل وجاب الأخبار من جـاب
قالوا شهر ما شقـت الشمـس غيمــه


وجونا العسوس وصاح فالبـدو نبـاب
قالـوا لقينـا قافـي السيـل ديـمــــــــــه


وسقنا العشاير وانتحت جرد الارقـاب
لاكنهـا جـيـشٍ فحلـهـا زعيـمــــــــــه


وحنا ذراها يـوم غـارات الاجنـــاب
ورثٍ لهلنـا مـن عصـورٍ قديـمــــــه


رماينـا قطـاع وليـا رمـى صـــــاب
نروِ القنـا والعظـم نكسـر صميمـه


وبعد ثمان ايـام والمشـي ضبضـاب
مالت علـى نقـع الخبـاري محيمــه


ثم فاحت الأطياب من ريـح العشـاب
يسوقهـا الغربـي بنسمـة نسيـمـــــه


دمت ذخر لهذا المنتدى ولاحرمنا الله من ابداعك

تحيتي لك [/ALIGN]

[اسير]

ابو حميد


سلمت يمينك و الله يعطيك العافيه على هالقصيده الرائعه



صح لسان الشاعر/ محمد السميري


ولك الشاكر الجزيل على هذا الاهداء


تحياتي

[تسواهن]

[ALIGN=CENTER][ALIGN=CENTER]

الكبيــــر دوم ..

والرائــــع دوم ..

ابو حميــد

تسلم على الاهــداء ..

والطيب ما يجيب الا طيبات مثله ..

وصدقن اذا ارد على مواضيعك او اشارك براي لان المجوعة اللي تختاره روعه وتبداع وتخلينا غصب اشارك ..

تسلم مره ثانيه على الاهداء .. [/ALIGN][/ALIGN]

[{المـيمـون}]

[ALIGN=CENTER]

هلا بالغالي

ابو حميد الله لايحرمنا منك
مثلك مكانه القلب يالغالي
والله لو نا نكتب عن شخصك ومداء حب القلوب لك لينتهي الحبر وتمتلي الاوراق





تسلم على الاهداء

وصح لسان الشاعر


تحياتي

الضامي [/ALIGN]

[الرحال]

اقتباس: الرسالة الأصلية كتبت بواسطة تسواهن [ALIGN=CENTER][ALIGN=CENTER] الكبيــــر دوم .. والرائــــع دوم .. ابو حميــد تسلم على الاهــداء .. والطيب ما يجيب الا طيبات مثله .. وصدقن اذا ارد على مواضيعك او اشارك براي لان المجوعة اللي تختاره روعه وتبداع وتخلينا غصب اشارك .. تسلم مره ثانيه على الاهداء .. [/ALIGN][/ALIGN]

الشكر وتقدير لك اخي الغالي 000000 ابو حميد

واعذريني اختي 00 تسواهن على الاقتباس فقد اعجبني اهداء ابو حميد واعجبني ردك واحسست انه مطابق لما في خاطري فاسمحي لي باقتباسه

تحياتي للجميع

[المشرف العام]

صح لسان الشاعر محمد السميري

قصيدة بمنتهى جزله واختيارك يدل على ذوقك الرفيق وتميزك في كل ما تطرح

ومشكور على الاهداء الغالي
يا ابو حميد
والطيبين امثالك ما يجي منهم الا كل طيب

بيض الله وجهك وما قصرت

لك خالص تحياتي