انا حدددددددددي منقهره تعبت كررررررررررهت حياتي بسبب شي اهتم فيه ولااا يبين بعينه...
بنات سالفتي ويا شعري متعبتني حيل حيل...تخيلو من صغراهتم فيـــه واطوله ولااا حتى اصبغ بس كل فتره احط حناا واحط زيووت بس بالاخير يبقى متقصف ومرات جااااف لدرجه اني اروح اطرف شوي من شعري عشان التقصف يروح وبعد شهرين يرجع التقصف بشكل اكبر وانا اعتني فيه بزيوت وخلطات طبيعيه اسويها بالبيت.....بس من جد مااااااااااااابين بعينه على كثر مااجاااه <<متأثره بقوه
المهم ومن فتره ست اشهر صار فيه تساااقط بقووه بشكل رهيب تخيلو خصل كاامله تطيح وبكثاافه تبجي الواحد لمن يشوفهاا...واروح اشتري زيت يقوولون عنه زين ورحت شريته وصحيح وقف التساقط والحمدلله ارتحت نفسياااا.. بس التقصف موجود وكل فتره امي تقص وبالاخير امي قالت لي خلاص ماااينفع بس نطرفه لااااااااااااااازم الشعر كله ينقص واناااا صرااحه ضاااق خلقي بقوه قالت لي قصيييييه للكتف مدرج بجذي يروح كل التقص....وحرام شعررررري كان لاخر ظهري بس التقصف لاعب بحسبته..يعني حيل خفيف خفيف خفيف يفشل لانه طويل وضعيف...واصلااا بعد الشعره نفسها ضعيفه عشان جذي كل شي يأثر فيها وممتنعه اني ابدا مااصبغ....ورحت وقصيته وسالفتي ويا القصه شي يضـــــــــــــــحك...شفتوا اللي ماعمره تبخر ويوم تبخر احترق هذي سالفتي....رحت لمشغل قريب من بيتناا قلت اكيد يضبطونه لي لانها قصه عاديه واي وحده تقدر تقصه.....المهم قلت لها وقصت وتعالوا اضحكوا صار شعري مثل النخله ههههههههههه طلعت اللي قصت لي وحده عليميه توها بالشغله هذي ووتعلم علي ههههههه رجعت للبيت ابجي راااااااااااااح شعري وصرت نخله امي اطلعت عيونهاااااا واخواني يرفعون معنوياتي وابوي يقول هاه اضحكت عليج ههههههههههههههه تحطيييييييييييم من قلب...المهم قلت خلاااص انقص وماابي اضيق خلقي <<هالكلاام هذا جا بعد شهر من القص......وعقب امي قالت امشي اعاالج شعررررج رحنا لمستوصف خاص اوصفت لي حبوب وبخاخ ولوشن وشامبو وكنت مستااانسه قلت خلاااص شعري بيرجع طووويل مثل اول واحسن <<خيبه
وصار لي تقريباااااااا شهر ونص استخدم هالبلااااوي ومافي تحسن ابداااا تخيلو من يومين قعدت من النوم ولمن قاعده ارتب فراااشي انصدمت....لقيت شكثر شعر طاايح على مخدتي وفرااشي قهرررررررر
والله مت قهررررررر فيني بجيه من ورااااا اللي شفتـــه....امانه اللي استخدمتهم من حبوب وبخاخ ولوشن حسيت شوي من جدام فيه شعر جديد بس من داخل مادري لانه للحين ماشوف انه سد الفراغاات بس التساقط موجووووووووود صرت اخاف امشطه عشان ماايعورني قلبي....
وبعدت بعد كاامل عن الزيوت تعبت منهااا....وشكله الحين التقصف لشعري حاسه انه ببدايته...واول كنت استخدم زيوت انا اسويها اعطيكم مثال
كنت اسوي زيت الزيتون مع فلفل الرومي ....وهالزيت من مزرعه خالتي يعني اصلي مليون بالميه
وزيت الجرجير كنت انا اسويه بايدي
وزيت النارجيل مع السابله والماسكه ورجل الحمام
مااااااااااااخليت شي ومااستخدمته تعبت....................عندكم حل والا انتحر[/align]
خجولة لازم اذا حنيتى شعرك ماتغسلينه بالشامبوعلى طول اول شىء بماء بعدين تزيتينه ثم تغسلينه
والزيت الى التستخدمينه حطى معه كبسولات فيتانينeوكبسولات زيت الساردين
والشامبواخلطى معه فاشكول وخلى الفاشكول اكثروخليه على شعرك طول فترة الاستحمام
الله يجزاك عنا يا ام ود كل خير
كل ماتسأل وحده من البنات عن امر تحتاجها....تلقى الجواب الكافي عندتس لبى روحتس..
اسم الله عليتس..
تستحقين شهادات شكر مو شهاده بس..
الله يحفظتس ويرعاتس
وحبيت ازيد على مداخلتس للغاليه خجوله
خيتو خجل يمدحون زيت البرشوت الاصلي مع محلب مطحون تنقعينه فيه يومين وبعدين تستخدمينه
خجل شوفي مافيه الا انك ترروحي لاخصائي جلديه . يشوف ايش مشكلة شعرك ..
يمكن فيك فطريات يمنع نمو الشعره او يسبب تساقط .. او غذائك مو كويس او عندك نقص فتامينات ..او فقر دم
بقولك عن اختي الصغيره ..
كان شعر ها خياااااااااااااااااااااااااال خيال ..
بس جاه فتره طاح وخرب وتقصف(وتنتف تنتف ) وضاقت انفوسنا من شكله ..مره تغير شعرها ..بعد ماكان يجنن .. والسبب كان من 3..
من غذائها الغبي (ماتاكل غير الاندومي والشوكلاتات بس هذا اكلها )
والسبب الثاني من الاستشوار الي يجيك مثل المشط ..حاسه لها حوس ..
وكمان من الحيوانات ( البساسه والارانب ووالعصافير )
<--
والله ودي انزلك صور شعرها قبل وش كان زينه وبعد ماخرب .. تنجنين .. وتبكين بعد..
لدرجه نحسبه عين صابه
والله ماخلينا زيت ماحطيناه لها ماخلينا خلطه ماحطيناه لها ... ولا فاااااااااااااااد ابد
المهم دلتنا عمتي ع مستوصف بالدمام ..
فيه اخصائي .. رووووووعه وقليل عليه كلمة روعه .. العائله كلها تتعالج عنده .. انا وخواتي و عماتي وبنات عمي .. مره استفدنا منه .. ممتاز بعلاج الشعر (وحتى البشره ومشاكلها وعنده زحمه ماشاء الله شباب وبنات (واكثرهم شيعه وبكستانين واشوام !! ) والله مرررره يججنن الدكتور ..كل من طلع منه امدحه ..
انصح والله كل بنت تقدر تروح للدمام تروح له .. بس تراه غالي شوي .. :p
المهم قال فيها فقر دم ونقص فيتامينات وكمان فيها فطريات بشعرها .. اعطاها حبوب فتامينات وصابون وكريم للشعر ..
حقيقه والله والله بعد مااستخدمتهم وداومت عليه انو رجع شعرها مثل قبل و (احسسسسسسسن )
مره طلع يهبل نااااااعم و وكثييييررررر ماشاء الله ...
ويوم الخميس ان شاء الله عندها مراجعه ..
الكريم والشامبو والماسك اللي كتب لها من .. rikeir > s/9
ماهي متوفره هالماركه هنا بالحفر .. ابددد
الا في الصيدلات القريبه من مركز ومستوصفات التجميل ..
هذا شامبو ب 100 ريال .. تفرك به شعرها بشويش و تخليه ع شعرها لمدة 4 دقايق ..
وبعدين تغسله وتحط بعده ع طول هالماسك وهو ب 150 ريال
وتخليه برضو 4 دقايق .. وبعدين تغسله .. وخلاص
×
بعد ماتطلع تنشف شعرها شوي .. بفوطه .. وتحط شوي من هذا الزيت
وهو شبيه بالسيروم .. ب 110 ريال
وهذا الحبوب اللي صرف لها ..
اسمها .. FITOVAL
نفس اللي بالصوره بالضبط . .. ب 195 ريال
واخيرا اتمنى اني افدتك وافدت الاعضاء
واتمنى تقولو ماششاء الله تبارك الله
(تراها ماهي عيب ولا هي حرام يوم تذكرون الله في شي يعجبكم ) وتدعون لي فديتكم :)