[align=center]السلام عليكم ورحمة الله وبركاته .. اما بعد
اخوي ابو ابراهيم اولا الله يشفي ولدك ويقومه بالسلامه
اما بخصوص الدور هذا شي عادي عندهم انا مودي جدتي وكان مرتفع الضغط وغير هذا يالله تنفس المهم نفس الطريقه وقفت سرا عند حق النساء المهم وانا واقف يوم وصلني الدور يقولي الموظف رح امسك سرا عند الرجال قلت له يبن الحلام المريض امراء مهو انا وهي عند الدكتور وطلبي من الورقه قال رح امسك دور عند الرجال المهم علمت الموظف بالوضع وقلت له يارجال الوضع ضروري جدا والدكتور مافعل شي لين احظر له الورقه اللي مدري وش تبي المهم اسك دور لين وصل الدور واخذت الوقه والدكتور متكي ماسوا شي لين جبت الورقه هل هذا يعقل لا ولاكن لا حياة للمن تنادي
والموضوع الثاني معي شخصيا جيت الدكتور حق الكسور قلت له يالطيب يدي وشفها على طول قال عمليه قلت وش طيب المشكله قال كيس دهني قلت والمطلوب قال تجيب تحويل من المستوصف اللي عنده ملفك وقلت وبعدين قال امسك سرا من ضمن المواعيد قلت طيب كم يعني قال شهرين شهر ونص بالحدود هاذي قلت يعني افقع الكيس الدهني واتطبب بنفس ارحم هل يعقل هذا مواعيد ومدري كيف طيب ليه مايحطون بالمستوصفات اطباء عمليات للتخفيف على المستشفى الكبير اللي هو الملك خالد بس ماقول إلا الواسطه ثم الواسطه ثم الواسطه تشوف لك احد بالمستشفى يضبط امورك ويخلي موعدك اول واحد الله يعين بس اصلا ابي اعرف مستشفى الملك خالد يبي يلحق على مواطنين حفر الباطن اكيييد لا بس نتكلم ولاكن تبقى المشكله لين نموت والحفر لاتقولي فيها شي زين كلها اخطاء من الى ونتكلم ولا احد يمانا اهم شي هم مرتاحين الواصلين وحنا لنا الله
اتمنى من الادارين يحطون كل الردود لنا افزوعوا معنا وإلى عاجبكم الوضع .. وطبعا الرد هذا والله من الامراض اللي جتنا تجيهم فيك مرض تطلع من المستشفى بمرضين سو المعامله ,, والمواعيد .. دمتم بخير واتمنى المسولين مايسكتون ويشوفون لنا حل [/align]