كذب العود (هجينيه).......

[نديم المجره]

مدخل:

( لكل فعل رد فعل مساوٍ له في المقدار ومضاد له في الاتجاه )

[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
الـكـذب شـيـنٍ وكـذب الـعــود = كــذبٍ عـلى غـيـر مـنـهـاجـــي
يحـلـف بربه قـلـيــل الـــفـــود = يحَـسـبَـنــا الــيــوم حــجــاجـي
عسى النحـس بالنحر معـقـود = وعسى المرض بالحشى لاجي
عــسـاه مايـهــتــنـي بالــــزود = ويـعـيـش بالعــمـر مـحـتـاجــي
لعـل يـسـري بجـسـمـه الــدود = دودٍ عـلى الـجـسـم دواجــــــي
ولعـل اشوف في يديـه اقـيـود = وزودٍ عـلى الـقـيـد مـزلاجــــي
انا مانـي باطـيـب الـمـوجـــود = ولاني بعــد اسـوأ الناجـــــــــي
انا وسـط والـوسـط محـمــــود = مابـيـن الاثـنـيـن يـنـعــــاجــــي
ما يلحـقـن لعـن ابـوك منـقـود = على الـنـقـا مـشـعـل اسـراجـي
ظـلـمـتـني ماتـخـاف الــقـــــود = مادامـني بالـدعـــاء شــاجــــي
والله لادعـي دعــا الـمـلـهــود = مـن شــرقـتـه لين الادلاجـــــي
وادعـي عـليـك الله الـمعـبــود = مـن غــيــبـتـه ليـن الابلاجــــي
والله لادعــي بـلـيـا حـــــــدود = لانـي بهــايــب ولا راجـــــــــي
يالله طـلـبـتـك كـريم الــجـــود = أشـف الغـليـل قـبل الادراجـــي
[/poem]






***

احمد بن عبدالرحمن العريفي

(نديم المجره)