,
,
أقبلت تمشي مثل مشي القطات الذايره
دون جال مابه الا ربل وخزام وسمر
او مثل مشي الفتاة اللي درت وش صايره
وهي تدري انها اجمل بنت في ذاك الممر
اتمغنج من قهرها يوم صارت بايره
حدها الوقت اللعين وقالت انسف الخمر
الحقيقه كانت انفاسي وانا ارقب ثايره
بنتظار كان ألذ شوي من طعم الجمر
كن بالوجه العفيف وهاج ضو النايره
تحت ليل خمه الداموس واخطاه القمر
الحزن بعيونها من السنين الجايره
دمع لكن ردة الرمش الكثيف ولانهمر
ثوبها والله اعلم مثل ثوب الزايره
فتحتين وكسرتين وخصر واحزام وغمر
شارب في الجسم لكن كن في دوايره
راس رمح ما طرالي غير فعيون النمر
اجلست وانا عيوني في حلاها طايره
انبهرت وجتني الرهبه وحاولت استمر
رهبة مهي برهبة بوش من عمايره
رهبة إما تشبه رهبة ولاة الامر
حبها بالقلب ماهو ساعتين وسايره
كان ما افديها بحياتي ماش أقل من العمر
اتتبع حركاته وامشي بجرايره
وانبغاني اتأمر مامشيت الا بامر
انما الاعمال بالنيات والسرايره
والصلاة على محمد خير من قص الثمر
بس ودي لاقريت النص قبل ا تعايره
اعرف اني ما رقدت الليل وعيوني حمر
شاعرك تبرك له الشعار والبطايره
مثل ما تبرك فحول قريش من هيبه عمر
,,
ياسر التويجري
العرض العادي
