ضروري اريد شاحن لاب توب من نوع ايسر

[نواف التويجري]

بسم الله الرحمن الرحيم

السلام عليكم ورحمة الله وبركاته

[glint]عاجل وهام [/glint]

اريد من يفيدني للحصول على شاحن لاب توب من نوع ايسر acer
ياليت احد يفيدني ضروري

انتظـر ردودكم لإني مضطر

واتمنى عدم نقل الموضوع الى مكان البيع والشراء لان هناك قليل الرواد وحبيت اطرحه في الديوانية اخوكم متبهدل كل شوي يفصل الجهاز وبكذا ما اقدر ادخل

بارك الله فيكم

[تركي الوايلي]

عليكم السلام ورحمة الله وبركاته

ابو سامي وراء ماتروح لمحلات الكمبيوتر بداخل السوق اكيد راح تحصل الشاحن ؟؟؟

[نواف التويجري]

هلا ابو نواف مريت اكثر من محل يقول ماعنده ؟؟؟؟
ابي محل اكيد عنده على اساس اروح له مباشرة
على اساس طرحت الطلب

[نادر وجودي]

اخوي انا اقولك تروح لمحل الاصايل داخل السوق او المتقدم للحاسب الالي راح تحصل سعر رخيص وجديد

بس الاصلي فيه غلا شوي بس التجاري يمشي معك ابو شهرين

التوفيق لك

[نواف التويجري]

هو بلاي الرخيص شريته من الرياض قبل 3 شهور ب100 ريال وعلى طول خرب
والاصلي غالي الظاهر انه حول 450 ريال
بس انا شي يمشي الحال مالقيت بالمحلات
انا عندي جهازين الايسر قديم شاريه من ايام الفراعنة ومخليه حق تقزير لما اصلح جهازي فحرام اشتري له اصلي وغالي وهو لو بعته ما يجيب قيمة الشاحن

[تركي الوايلي]

اقتباس: المشاركة الأصلية كتبت بواسطة نواف التويجري    هلا ابو نواف مريت اكثر من محل يقول ماعنده ؟؟؟؟ ابي محل اكيد عنده على اساس اروح له مباشرة على اساس طرحت الطلب

غريبه عاد جهاز ايسر اخبره متوفر الشاحن

فيه داخل السوق محل على شارع محلات
بيع اجهزة الكمبيوتر
يجي على زاويه وقدامه تقاطع بس والله ضيعت اسمه بس فيه باكستانين واكثر اجهزتهم ايسر اكيد راح تحصل عندهم شاحن عاد انت اذا ماحصلت شاحن بهذا المحل مالك الا تفرفر بجميع المحلات الين تحصل
<< عاد تصدق ولد عمي امس يبي يهديني لاب توب
من نوع ايسر وقلت له لاتشوفه عيني بنووب
ياخي ماحبه هالايسر هذا غير مهضوم

عليك بالتوشيبا او الديل ووبس .

تراهن كذااا

وانت بعد كذااا

[حلو الكلام]

هلا يـاخوي

ماراح تفرق بين الشاحن الاصلي والتقليدي انأ اكثر من مره انغش فيهم اخر شي شريـت تجاري كل ماخرب اشتري واحد
سعره 60 ريال نوع جهازي hp
اما بخصوص طلبك
انـا متعامل مع محلات شغلهم ممتـار
اول محل تقاطع سوبر ماركت العزيزيه بجانب مسجد الحنيطه في باكستانين
والمحل الثـاني افاق الحاسوب على ماعتقد اسمه كذا 3 محل من عند البكساتين تحصل هندي لابس نظارات كويس هذا ممكن تحصل
والثالث . امش على الشارع تجيك اشاره خذ فوق تحت وثاني محل بعد محل زينه " سيارات "
وفـي عندك بعد المنار

[نواف التويجري]

السادة الكرام
كلن باسمه اشكركم جميعا على التجاوب السريع
فرفرت على وصفكم والحمد لله لقيت الشاحن
بيض الله وجيهكم على الوصف والتفاعل

[هجمة عكسية]

لا تشتري الشاحن التجاري يلعب بالجهاز

إذا كان الخراب من الجزء اللي يدخل بالجهاز يعني ( الراس )

بدله من المربع اللي بالشاحن يفصلونه لك ويركبون جديد

تحصله عند محل منتديات أو قرطبة اللي بالسوق ب20 ريال

لإني قبلك صارت معاي

[عبود الحفر]

موفق يابعدي ,,