الهاتف

[طاغي النظره]

السلام عليكم ورحمت الله وبركاته
قصيده بعنوان الهاتف اتمنى أن تحوز على رضاكم

الهاتف المحمول مغلق على طول ** له مدتن ياخوي مدري علامه
من اثنعش شعبان والبال مشغول ** على الذي عالي بقلبي مقامه
اكتب من الاشعار وأدز مرسول ** نتيجت التقرير قيد إستلامه
معقول لا والله ماهو بمعقووول ** أبغى السلامه ميرمامن سلامه
من بعدها كني مع الناس مهبول ** والله عليها أنوح نوح الحمامه
أحاول أكابر وأنا صحيح مقتول ** أضحك على نفسي أبنسى غرامه
لاشك أبصبر مابقى عندي أحلول ** والله ماأنساها ليوم القيااااااامه
متعب الشعباني

[مسترمون؟]

معقول لا والله ماهو بمعقووول ** أبغى السلامه ميرمامن سلامه


\


ها

ليتها تحصل السلامه..

=

ابدعت يامتعب وانا صاحب القول . وماني من اللي جاملك في كلامه
هذا كلامن لي وانا عنه مسؤول . بالشعر لك قيمه وهامه وقامه

\

وشكرا لكــ

[طاغي النظره]

أخوي مستر مون مشكور على الرد الوافي
راعي الهوى يحول يحول يحول**دايم وهو متبهذلن في غرامه
دايم وهو معلول والحال مسلول**لامن بغى يرتاح زادت سهامه
وأنته كفو يامون من دون ماتقول*وافي وكلك ذوق طاغي شهامه
لك خااالص شكري وتقديري

[الشعبان]

صح لسان الجميع طاغي النضره ومسترمونشعراء مميزين
قلبتوها مساجلة شعرية هههههههههههه

[طاغي النظره]

هلا وغلا اخوي الشعبان مشكور على المرور الكريم
شهاده نعتز بها ولك مني خالص الشكر والتقدير

[ابوماجدالعتيبي]

ماشاء الله عليكم ايها الشعراء صح السانك ياشاعرنا طاغي النظره على القصيده الجزله
كمااشكر مسترمون صاحب الرد الجميل يعطيكم العافيه

[طاغي النظره]

الله يعطيك العافيه ياابوماجد العتيبي بناخي العطاوي شهاده نعتز بها
مرورك انار صفحتنا وأتحفها كل الشكر والتقدير لسموك
دمت بعز