قررّت معاك أفتح صفحة حساب
.............. صفحة من قلبـي قسمتها قسمين
قلْ اللـي عندك وأكتب ما طاب
.............. نبض الخفوق يشهد إنك لي مدين
الحزن موّال ولـه عندي أسباب
.............. مثلي بالهوى، نعم تفضحه العين
عاشقن مسكين ما عنده أصحاب
.............. وعلى حــاله ليتك دوم تسألين
سؤال بسيط وأبـي منك الجواب
.............. هو القلب، يمكن يعيش فيه أثنين؟!
حبّي لـك فصولن يجمعها كتاب
.............. أرجـوك للعشـّاق أبيك تقصين
ساكـن الروح، بعدك قفلنا الباب
.............. مالـي غيرك ومن غيري تتعبين
والدنيا يا صـاحبي ترى دولاب
.............. إن غدى الحظ دموعك لا تمسحين
الوصل مطلبي يا طيب الأنساب
.............. صرّخة رجـل متعبه نوح السنين
تـرى النهاية كف وشوّية تراب
.............. وعلـى قبري، وصيتي لا تنثرين
العرض العادي
