((السلام عليكم ورحمة الله وبركاته ))
أخواني وأخواتي سوف أعرض لكم نبذه مختصره من قصائد الشاعر الكبير المرحوم سحلي العوّاي البرازي المطيري وهو رحمه الله غني عن التعريف والذي يعتبر من الذين يتميز شعرهم بدقة المعنى
ووضوح الوصف وقوة المفردة وسلاسة اللفظ وبلاغة البيان وهو من شعراء مطير البارزين بوقتهم
والذي يحفظ القاريء له ويتذوق لمفرداته الشعرية حتى بعد وفاته رحمهم الله .
وإليكم بعض قصائده ممّن أحفظ له أو من خلال ماأحتفظ بدفتري الخاص :-
هذه القصيدة لشاعرنا المرحوم سحلي العوّاي مسندها للشاعر الكبير /محمد بن خلف الخس اطال
الله في عمره , متمنياً بذلك حياة البادية البعيدة عن صخب الحياة المدنية وضجيج محركات معيشتها و
هوائها المصحوب بسحب دخانيه كاتمة للانفاس ويقول فيها :
[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="none,4,gray" type=0 line=0 align=center use=ex num="0,black"]
يازين شب النار بارضٍ بياحـي=والزول يزمي لي على مد شوفي
والبيت مبني والرعايا ضواحـي=وانته تمشى مع نبات الحروفـي
أخير مـن ذبـح بليـا سلاحـي=بقبورة الحيين مثـل الضعوفـي
ببيوتنا مثـل الدجـاج المداحـي=مغير يم السوق ناخـذ ونوفـي
يابو خلف مامن تجـدد مراحـي=متشفقن عقب الشـداد الردوفـي
يابو خلف صاحي ولاني بصاحي=بس أتلفت مثل راس الخروفـي
خروفٍ أدلم مايعرف المتاحـي=وراعيه حاديته عليه الظروفـي
أبكي على وقتٍ حضرته وراحي=أتلاه يامحمد زمـان الكسوفـي [/poem]
والقصيده أطول من ذلك وهذا ممّا أحفظ
فرد عليه الشاعر محمد خلف الخس حيث قال:
[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="none,4,gray" type=0 line=0 align=center use=ex num="0,black"]
ياسحلي العـواي منتـه مباحـي=ياللي تقول إنك حوالي صفوفـي
الفرق واسع للسنيـن إمتراحـي=قدّام أجي وانته تغيـر وتحوفـي
لاشك معي انته تحب المزاحـي=وزلّتك عندي يالسنافـي تطوفـي
وتقول انا يالخس ماني بصاحـي=وأقول منت بصاحيـا ومهروفـي
يالّلي تبي وقت له اسنين ماحـي=يوم القبايل بيـن امـانٍ وخوفـي
يوم يحدا الخيال قـدم الطياحـي=والوقت زين وبأهل الوقت نوفـي
يوم إصطفاق امفصمات اللواحـي=فجّ الزّغون مقولمـات الخفوفـي
مركوب فرسانٍ تبـوج الفياحـي=دايم لوجه الله عليهـن ضيوفـي
دايم يتلـون النضـى بالمشاحـي=ايضا ومعهم كـل قبّـا شعوفـي
ليا طالع السبار شعـل وشقاحـي=قالوا عليها ماسمعـت المعوفـي
مافعلهـم بالهندسـه والمساحـي=بالسيف الأملح فعلـه والكشوفـي
كم فارسٍ منهم تجنـدل وطاحـي=إلى جودوا خضر النمش بالكفوفي
مايطلبون الرزق عند الشحاحـي=الرزق بيدين الرحـوم العطوفـي
أرزاقهم حدر الدخن والصياحـي=مثل السباع مـدورات العلوفـي
كم رفرفـت راياتهـم بالنجاحـي=واليوم وقتٍ راح جعلـه ذلوفـي
يابو فهيد إسحب ذلاق المشاحـي=الجيل الاول لـه عيـالٍ وقوفـي
امطير في ديرة طيور الفلاحـي=اللي بهم عـز وذرا ومعروفـي
بين السعود وبين نسل الصباحـي=في نعمةٍ مامثلها فـي الوصوفـي
شبعه وامان وراحـةٍ وانبطاحـي=ومنين ماوجهت جبـت الألوفـي [/poem]
أيضاً هذه المساجله بين الشاعرين الكبيرين من شعراء امطير الكبار وهم الشاعر الكبير فلاح العراك اطال الله في عمره , والشاعر الكبير المرحوم سحلي العوّاي وقد كان بينهم الكثير من الرديات وقد اخترت لكم هذه الرديه لعلها تحوز على رضاكم وكان البادي فيها الشاعر فلاح العراك ويقول فيها :
[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="none,4,gray" type=0 line=0 align=center use=ex num="0,black"]
يابو سعـد نهـار تمشـي مشينـا=فوق الجموس امضولعات المواطي
حمـرٍ انقلّبهـن علـى ماشتهينـا=غادٍ لهن مع كل خـط انشعاطـي
ودجنا على الصلب الحمر ثم لقينا=منـازلٍ فيهـا حديـد وقـواطـي
من عالمٍ مـن كـل فجـن تجينـا=جونا على ريح الدسم والشياطـي
لوانهـا فـي سيفنـا مارضيـنـا=حرام يـا صمّاننـا مـا يهاطـي
نمشي وعجلات الفرج فـي يدينـا=وناخذ من الماص الجديد احتياطي
يجي نهـارٍ يذكـره مـن نسينـا=تكثر جنايزهم وحـذف القشاطـي
يـادار مالـت حقوقـك عليـنـا=منولٍ من جـاك يوخـذ جلاطـي
واليوم يادار اسمحـي واعذرينـا=حنّـا مجوّدنـا جويـد الرباطـي [/poem]
وقد رد الشاعر المرحوم سحلي العوّاي بهذه الابيات قائلا :
[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="none,4,gray" type=0 line=0 align=center use=ex num="0,black"]
حسبي على العرّاك ذكّر علينـا=وانا ماحب الخربطه والغلاطـي
هذاك شيٍ(ن) شايفه لي اسنينـا=لا تذكّر الغافل ترايـه حباطـي
اشوفها ملحا بعـرض البطينـا=لاشك وين اللي يقض الخياطـي
عقبـان نجـد امعقبيـن اليدينـا=عن ماتبي مش الخشوم ابحماطي
تحمّـد الله لاتطـيـع اللعيـنـا=اليا حصّلك سدحتٍ وانمغاطـي
وان صار يالعرّاك رحنا وجينـا=وفقدت سوق الباميه والبطاطـي [/poem]
القصيده ناقصه بيت أو بيتين للأسف خانتني الذاكره ؟؟؟؟ المعذره
فزعل الشاعر الكبير فلاح العراك من القصيد لأن فيها الفاظ مثل
(المغفل , الخربطه والغلاطي، افخت أكل الباميه والبطاطي ) وللمعلوميه ان هناك قصايد
للعراك وسحلي فيها الفاظ مضحكة جدا من الطرفين لكن العراك رد ايضاً على سحلي فقال :
[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="none,4,gray" type=0 line=0 align=center use=ex num="0,black"]
يابو سعـد نـوك علـى مانوينـا=وقّع على روس الهدف والنقاطي
اللّي تبـا تاطـا لراسـه وطينـا=لوّك تبى تاطا اللي بجلده رقاطي
يابو سعـد مانـي مـن الغافلينـا=أعرف ماحدر الثرى والبلاطـي
ماني بمصريًٍ من فلاليـح سينـا=اللي يحطون البصل والطماطـي
ظهور السواني عزوتـي بينينـا=زبن العديم اليـا قبلتبـه تواطـي
لاصاح صيّاح الضحى واعتزينـا=قباً نصعطها الأعنّـه اصعاطـي
تفرح بنـا خلجـاً تجـر الحنينـا=واليااعتزى في عزوته كل صاطي
حنّـا اليـا منـا وردنـا روينـا=إحبالنا جبـرات سيـم ومقاطـي
وترى الرجـال تقولـه الاولينـا=حصنٍ مناكيـرٍ وخيـل معاطـي [/poem]
وهناك من يعتقد واخرون يجزمون بأن كل مايقدم من شعر هو نتاج طبيعي لموقف شغاف القلوب
ولكن الحقيقة ان هناك شعراء بل اغلبية يرسمون اعماله الادبية وهم من خيال فيحلقون مع أخيلتهم
في فضاء الشعر وتكون قصيدة يقول فيها الشاعر الكبير المرحوم سحلي العوّاي وهو شاعر جزل:
[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="none,4,gray" type=0 line=0 align=center use=ex num="0,black"]
الزين والله بين جبّه ومشهور=لي شافها قلب المشقّا عشقهـا
ماجمعت زينة تلاميع وخصور=زين على زينٍ من الله خلقهـا [/poem]
وللشاعر الكبير المرحوم سحلي العوّاي هذه القصيدة في الامير محمد الاحمد السديري ويسندها على إبن أخيه فهيد وللمعلوميّه أنّ الشاعر سحلي تزوّج ولكن لم يأتيه أولاد ويقول فيها :
[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="none,4,gray" type=0 line=0 align=center use=ex num="0,black"]
يافهيد وقتٍ بينـت لـي حـزوزه=أهوش من دونك بحاضـر ودينـه
مشافت حتى الدوج طاحت قزوزه=من كثر مايسحب علـى بانزينـه
من اولٍ جايز وفـوق المجمـوزه=واليوم خلـه نـوح خـلا جنينـه
خلّه لعلّه يبـن سحلـي همـوزه=لحقت على العطراء وابو زيد وينه
لو آصله كان أشتـري مايعـوزه=ابدّلـه وإلاّ اشتريـلـه مكيـنـه
شيخٍ مجرب من وراء الناس نوزه=ماهو بنا كـل العـرب خابرينـه
أمارتـه ماهـي عليـه مغـزوزه=ساسٍ عريب وتلّهـا فـي يمينـه
محمد الى جته اليديـن معيـوزه=زاد بعطاه الى اشتلهبـت سنينـه
ياما عطا أطيب ماطلع من طروزه=من وارد السبعـه تفـرق يدينـه
وإلاّ خطاة الشيـخ ينكـب فـوزه=يابس عسى تابس يدينـه وعينـه [/poem]
وله هذه القصيده في الامير بدر بن هزاع بن شقير الدويش ويقول فيها وهو يسندها على الشاعر محمد الخس :
[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="none,4,gray" type=0 line=0 align=center use=ex num="0,black"]
عز الله إنّي رحتلي من معازيـب=من عندي البيضاء غشتهم جميعي
ريحان يركض لي بكل المواجيب=الضيف لوهـو زبـدةٍ مايميعـي
قامت رياجيله تسابق على الطيب=لو طيبهم من أول ماهو طبيعـي
لاشك وصّاهم حصان الاطاليـب=للضيف مثل مدلّهات الرضيعـي
أمّا الكرم مافيه هرج وتلاعيـب=خطه ورا خط النشامـا وسيعـي
ليته درى هـزاع وإلاّ تراحيـب=إن الأمانـه مستلمهـا الوديعـي
الا ويعنه في طويـل المراقيـب=يابو خلف لي هقوتٍ ماتضيعـي
المرجله عـذرا تزيّـن لخطّيـب=تبيلهـا طيـب وجـدٍ رفيـعـي
وشامت لبو هزاع ريف المراكيب=اللي يجون البيت من كل ريعـي
اللي تجود فيه يلقـى مقاضيـب=متكفلـه كنّـه حـوار الربيعـي [/poem]
وله ايضا هذه القصيدة في الامير حسين بن عادي الديحاني محافظ حفر الباطن سابقا رحمه الله تعالي
ويقول فيها:
[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="none,4,gray" type=0 line=0 align=center use=ex num="0,black"]
ياحسين يومنّك عزمت الجماعـه=نسيتنـي ماجبتنـي للعزيـمـه
لاعاد ماني في حـدود الّلعاعـه=أيضا ولا بيني وبيـك جريمـه
ماني لعصمان الشوارب تباعـه=أنا مـع اولهـم بعـزه وشيمـه
ياحسين عندك للنشامـا وداعـه=شيٍ يضيم الناس وانته تضيمـه
القز مشبوبٍ على كـل ساعـه=ماليلةٍ قيـل استراحـن حريمـه
لو أن بنك الراجحي له بضاعـه=سوّا الأمور المعجزات العظيمه
حطيت كل الطيب راس الطماعه=العمر يفنـي والليالـي مقيمـه
انت أشتريته واكثر الناس باعـه=هو راس مالك من سنين قديمـه
حاش المراجل كلها من ذراعـه=دلوه ملاها والضوامي محيمـه
وطا على الدنيا بعرف وقناعـه=حلوٍ بحال وحال يزعل خصيمه
أرضعته أمّه واخلف الله رضاعه=أبوه وأمـه فـي برايـد نعيمـه
لعل يفدونه خصايـص رباعـه=اللي تومّرهـم عليهـم ظليمـه [/poem]
لكن هناك قصه طريفه للمغفورله باذن الله الشاعر سحلي العواي نوردها في سياق الحديث هي انه كان
مع الامير سلمان بن عبدالعزيز آل سعود في المقناص في خارج المملكه وكان يستيقظ من النوم دائما متاخراً في الصباح بعد أن يفطر الامير سلمان ومرافقيه0
وهنا يطلب الشاعر سحلي فطور من الطباخ وكان (يماني الجنسيه) وكان إسمه عقاب فرد عليه الطباخ لايوجد فطور أنت دائماً تأتي متاخراً بعد الفطور والآن خّلص الفطور وأنا غير مستعد لعمل فطور ثاني .
فقال العواي قصيدته التي منها :
[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="none,4,gray" type=0 line=0 align=center use=ex num="0,black"]
ياعقاب مانت عقاب ولد العواجـي=الّلي على خيل المعاديـن هـذّاب
أنته عقـابٍ للصحـن والدجاجـي=مثل الضراوي مربطك بين الاطناب [/poem]
فلما سمعها الامير سلمان امر له بفطور خاص كل يوم . وكان من الناس المقربين للامير سلمان . رحمه الله وادخله فسيح جناته .
وللشاعر الكبير المرحوم سحلي العوّاي هذه القصيدة التي قالها بعد ان اخذ بخاطره شي عند
الامير السديري ( أحتفظ بقصتها) فقال هذه الابيات الشهيرة :
[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="none,4,gray" type=0 line=0 align=center use=ex num="0,black"]
هجي ترى خاطري ملموس=يابكـرتـي يالحويطـيـه
تنحري كاسـب النامـوس=معطي البواريـد خرجيـه
انا خوي لحبـس حبـوس=مانـي خـويٍ لكـرديـه
أنـا لادك بـي هاجـوس=ماني ولـد عـن وعطيـه
ماطمن الراس حدر الروس=تزعـل علـي المطيريـه[/poem]
وكان للشاعر الكبير المرحوم سحلي العوّاي أرض في حفر الباطن وقد اغتصبت من قبل متنفذين
في المدينه فأخذت فقال عدة قصائد من ضمنهن احدهن في الامير سلمان ولا احفظ منها الا قوله :
[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="none,4,gray" type=0 line=0 align=center use=ex num="0,black"]
يا امير انا ليّـه شبـر قـاع بريقـان=كبر العبـاة وصـار فيهـا جدالـي
ياميـر ليتـك تشـوفـه بالاعـيـان=وتاخذ قياسه مـن جنـوب وشمالـي
اما كذوبٍ وصرت من عرض كذبان=------------------------
حط النظام يسار من غيـر حقـران=راس القلـم منكـم يهـد الجبـالـي [/poem]
وكذلك قال هذه القصيده في الامير نايف :
[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="none,4,gray" type=0 line=0 align=center use=ex num="0,black"]
ياسيدي زل الشتاء واقبل الصيـف=وانا برجوى معامـلات الحكومـه
تلعب بي السرقان لعب على الكيف=رزّت بيارقهـا ونجـد محكومـه
وانته عليك من المحلى تواصيـف=الحر حر وماكـر البـوم بومـه
ياعل بيت مايـذري عـن الحيـف=تصبـح معالـم مبانيـه مهدومـه [/poem]
والقصيده أطول من ذلك 00
الحقيقه هنالك مساجلات طريفه بين العواي والعراك وبن قويعان اتذكر منهن ردا للعواي على
صحن والعراك اثر مساجله بينهما ولم يذكراه فيها وغضب لانهما امتدحا انفسهما بالشعر وهو
يرى نفسه اكبر منهما لاتحضرني الآن ؟؟؟؟
ومن الطرائف المضحكه أيضاً بينه وبين الشاعر فلاح العراك حيث يقول العواي متغزلاً :
[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="none,4,gray" type=0 line=0 align=center use=ex num="0,black"]
ألا ياعيون اللي جفل من فروع تبـل=ترى الناس من سبتك تدرس لها ثوره
وانا حالفٍ لا أفتكها لـو تجـر دول=مهو بأجرب واحد وتعبى له النـوره [/poem]
وكذلك من قصيده العراك رداً عليها ولا اتذكر غير اخرها وهو اطرفها حيث يقول العراك:
[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="none,4,gray" type=0 line=0 align=center use=ex num="0,black"]
على الزين ياسحلي تياسر يسار وفل=لها الله عن عودٍ يروعك بقصب زوره
ونعمٍ بيمينك مير شيفتك هـول هـول=وصايف سعر ماتقبلك كود مسعـوره [/poem]
وبالفعل رحمه الله كان شكله مرعباً ؟؟؟
ومن قصائده رحمه الله عندما تولى حسين بن عادي الديحاني منصب وكيل الامارة :
[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="none,4,gray" type=0 line=0 align=center use=ex num="0,black"]
لقيـت كتـب بـعـرض المجـلـة=ترفيع ابـو عـادي بصـوت عـواد
تستاهلـه ياحسيـن وانـت بمحلـه=مبروك ثم مبروك يامخـرّب الـزاد
الطيـب اللـي جانـيـه ماتمـلـه=تنشر لك البيضاء على روس الاشهاد
انا احمـد الله حصـل الامـر كلـه=جاه القرار وحصّل الامر من غـاد
غصبٍ على عباس هو وابـن هلـه=ولو إبن ..... زعل منه وش عـاد
وش عاد لو معهم من ال..... شلـه=سود الوجيه معارضة حق الأجـواد
نـاسٍ تجمـع والسـنـع ماتـدلـه=وتفرقوا من مجلس السو وش عـاد
اللي حواسيس الـردى سهمـةٍ لـه=يطلق حصانه مير ماياصـل المـاد
يامـال ســلالٍ لحـالـه يسـلـه=لاعـاد لاحايـف ولاهـو بهـجـاد
يجـي يـدور لـه بالأجـواد زلـه=مخادن الشيطـان ملعـون الاجـداد
علـى قعـوده كـل بيـتٍ يـدلـه=قعود ابو مـره بـلا نطـع وشـداد
وليـا لبـس بشتـه وفكـر بظلـه=يقول انا اطيب منك يازعيـم بغـداد
ياللـي تجـي كوبـان قلـه وقلـه=منته بحول حسين ياثـور الاكـراد
كانـك مكذبنـي تـعـال وتحـلـه=ذولا مـصـاديــر وذولاك وراد
جعل اليديـن القاصـرة فـدوةٍ لـه=والمبغضه واللي من الربـع حسـاد [/poem]
ويقول سحلي العواي ايضا هذا البيت في مدح الامير حسين بن عادي الديحاني رحمة الله عليهم :
[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="none,4,gray" type=0 line=0 align=center use=ex num="0,black"]
مازهملن مثله بنات الدياحين=ولاجابن الخفرات مثله جنيني [/poem]
ويقول الشاعر الكبير صحن بن قويعان المطيري في حسين مخاطبا الشاعر سحلي العواي:
[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="none,4,gray" type=0 line=0 align=center use=ex num="0,black"]
اصبت يالعواي في مدحـة حسيـن=مدحك لابو عادي صحيـحٍ وكـادي
المـدح لاجالـه شهـود وبراهيـن=ماعـاد ردوه العفـون الحـسـادي
ياحلـو مـدح مرجحيـن الموازيـن=ومـدحٍ بليّـا فعـل راعيـه غـادي
وحسين فعله عنه الاجنـاب داريـن=طيبـه يسولـف بالديـار البـعـادي
دروا به اللي عـن ديـاره بعيديـن=ولـولا فعولـه ماركـب بالشـدادي
ابو علي كرّس جهوده علـى الزيـن=لينه رقى فـي راس عيطـه ينـادي
المرقا اللي عنـه ال؟؟؟؟؟ مزريـن=عانـه علـى مرقـاه رب العبـادي
والمال والمنصب لاهلهن حدى امرين=أمّـا نعـم وإلاّ مـلام وســوادي
يبغن مثـل حسيـن عـدل القوانيـن=متواضعٍ مـع كـل حـادي وبـادي
من جاه ماحاكاه فـي منطـق شيـن=يهرجـه باسلـوب ماهـو هـيـادي
ميـزان حـق للموالـي والأقصيـن=مرضي معازيبـه وشعـب البـلادي
المال مامشّـاه فـي مربـح الديـن=مشّـاه بالمعـروف والخيـر زادي
مـشّـاه للأدنـيـن وللمستحقـيـن=واللي يجـي للبـاب بيتـه عمـادي
يشـري الفعـول الطيبـة بالملاييـن=يعطـي ويذخـر للسنيـن الجـدادي
يعطي صدا الدنيا غـرور المساكيـن=ويذخر خلافه مثل ذخـر المهـادي
يبيـه تاريـخ لحيـن بعـد حـيـن=لاما يجي ماجـوج مـع كـل وادي
هذا الفخر ياللي على الطيب حرصين=والعمـر يفنـى والسوالـف تعـادي [/poem]
ويقول الشاعر الكبير المرحوم سحلي العوّاي هذه القصيدة :
[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="none,4,gray" type=0 line=0 align=center use=ex num="0,black"]
ياليتني أنقل عباتـي يـم سيهـات=واشيل ورعاني وابيـع العمـارة
الدار عقب حسين مافيه رغبـات=بعدك علينا يابـو عـادي خسـارة
خسـارة ياكبرهـا بالخـسـارات=شربت من عقب الحلاوة مـرارة
أبكي على راع الصخى والمروات=عـزّاه ياعيـن تزايـد عـبـارة
البيت مفتوحٍ علـى كـل حـزات=بيته لعصمان الشـوارب زيـارة
ياماحلا وان قال ياصقر قم هـات=الا ولايبـرد عـن القـز نــاره
ياصقر مالي حاجـة بالامـارات=لو تجتمـع بدوانهـا والحضـارة
امارةٍ فيها ........... ونفخـات=والا لياجاه الضيف حسن الوقـارة [/poem]
وأيضاً يقول الشاعرالمرحوم سحلي العوّاي في الامير حسين بن عادي الديحاني :
[poem=font="Simplified Arabic,4,black,bold,normal" bkcolor="transparent" bkimage="backgrounds/29.gif" border="none,4,gray" type=0 line=0 align=center use=ex num="0,black"]
يازيـن مكشـاتٍ كشتنـاه ياسعـود=وناسـةٍ ماصـار مثلـه ونـاسـه
مشوي ويبرا له حليب مـن الـذود=عقب العشاء كلٍ شرب ملي طاسـه
من فضل من لاحسب النقص والزود=ماهمّته دنيـاه مـن طيـب راسـه
ماكل رجـالٍ يبـي يـدرك الفـود=ولا كـل ريـس يستـوي للرياسـه
سقوى ليا جتنـا مخاييـل ورعـود=الروض يزّي الروض عقب اليباسه
سيله من العارض الى خط فرهـود=كـل مـدح فالـه بليـا لسـاسـه
يازين تغريد ام سالـم علـى العـود=كنّك مسعّطها مـن الخمـر كاسـه
ليا شافت النوّار بالـروض ماجـود=يطير عـن راس ام سالـم عماسـه
الرّيـع يانخّاشـة الجحـر مسـدود=راع القفى يقعد على كسـر باسـه
اللي يقـول بربـع عسـاف منقـود=انـا قبيلـه ليـن يرمـي عطاسـه
أنا خوي حسيـن والعلـم مـردود=مانـي خـوي الكنـدرة والبساسـه [/poem]
ولشاعرنا سحلي العواي قصائد كثيره جداً ولكن لاأريد أن أطيل عليكم وبهذا أكتفي
توفي سحلي العواي عام1998هـ رحمه الله رحمةً واسعه ورحم أموات المسلمين عامّه
في الأخير
أتمنّى من الله أن تحوز تلك القصائد على رضاكم
وتقبلوا خالص تحياتي
العرض العادي
