اشم ريحة بخورك في طرف شالي واقول هذي بقايا ريحة الغالي ؛؛تجاربنا مع البخور

[ساجدهـ]

ذبحني الاشتياق

هلا فيج قلبي تسلمين ع اضافة معمول الدواسر اسفه اني ماحطيته لاني ما احبه

عاد ان امي تفضله وتشتري نوعيه غاليه وثاابت بالبيت مايطير بسرعه

لكن انا دايم لها بالمرصاد مسكينه كرهتها فيه الله يسامحني

وبالنهايه الناس اذواق وانتي ياعسل ذوق ربي يسعدج

[ساجدهـ]

d

ياحياتي انتي العود شكله كذا





والمعمول هيييك




وفيه عود مسقى يكون عود لكن عليه ماده عطريه يعني ان مسكتيه رطب مو خشب جاف

وفيه مبثوث تحسينه بخور مطحون<<اتعب ع الوصف

يالغلا بالعروس اكيد يحطون عوووود لانه اغلى وافضل شي للمناسبات بالاضااااافه لمعطرات الجو الخلطات اللي يحطونه تطلع الصاله تمااااااااااااام شوفي عود القرشي اكيد بتلقينه هو اللي تبينه لاني ماكنت معج يوم شميتي الصاله هههههههههههه

الله يسعد قلبج شرفتيني يااااا ارنوووبه

[النود]

مرحبا ياحلوات ..

بعد إذنك سجوووده حبيت اضيف بعض الافكار الي قرأتها واعجبتني وبالفعل طبقت اكثرها وكان صحيح %
وان شاء الله يكون فيه اضافه فائده للاخوات هنا...



طريقة تثبيت البخور في المنزل والجسم والملابس:

اولا: كيف تتبخرين ...؟
ان افضل وقت للتبخر بعد ان تكوون قد اخذت دشا اي بعد السباحه
حيث يكوون جسمك مازال نديا وشعرك مازال مبللا حتى تتعلق بك رائحه البخوور
واذا كنت ممن يفضل البخوور على العطور فضعي قطره من دهن العود تحت كل ابط وتكفبك رائحه طييبه لمده يومين ..
واذا كنت تطلقين البخوور في غرفه النوم فافتحي الدواليب واغلقي باب الغرفه حتى تتغلق رائحه البخوور في الفساتين والشراشف ..

ثانيا:كيف تحافظين على البخور ...؟
لكي تبقى العوده محتفظه برائحتها اطول مده لابد من حفظها في علبه مغلقه جيدا واذا كانت الاعواد كبيره فحاولي تكسيرها الى قطع مناسبه حتى لا يكون هناك نوع من الاسراف ..

ثالثا:كيف تجعلين من العود العادي عود فاخر ..؟.
في البدايه يجب ان تحافظي على البخور بحيث يكوون النوع الغالي للمناسبات والاستقبالات للزوار اما البخور اللي يكون من النوع الرخيص هذا يكوون للاستعمال اليومي ..
ضعي اعواد البخور في علبه وصبي عليها احد انواع دهن العود المتوافره لديك وليس من الضروري ان يكوون من النوع الغالي ثم اغلقي العلبه سوف يتشرب العود بزيت دهن العود وبعد ذلك سوف تحصلين على بخوور معطر برائحه جميله

*نصائح عند شرائك للبخور ...-



ابتعدي عن البخور المصبووغ (المطلي) لانه يكوون سيء لان الصبغ يغير من رائحته ..
-انتبهي عند شرائك لقطع البخور الكبيره من احتوائها على ماده الرصاص لان هذي الماده تاخذ وزن زياده ..
-جربي قطعه من البخور التي تريدين شرائها ثم لاحظي لون الدخان فالبخور الجيد يميل لون دخانه الى اللون الازرق ..
-افتحي عينيك عند استنشاق البخور فاذا احسست بالم فيها فاعلمي انه بخوور رديء ..
-البخور الجيد يتميز بكثره فقاعات الدهن عند احتراقه ...
-البخور الجيد يتميز بكثره وجود عروق لونها يميل الى البني الغامف او الاسود ..
-ضعي قطعه صغيره من البخور في ماء فاذا طفت فالبخور جيد ..
واذا لاحظتي ان الماء تغير لونه الى الاصفرار فاعلمي ان البخور مصبووغ (مطلي)
ليحتفظ شعرك برائحة زكية
اذا رغبتى ان يحتفظ شعرك برائحة زكية تبقى لمدة طويلة..
تبقى على لحافك ...
...على مخدتك ...
تستمتعين بها كلما ادرت رأسك ذات اليمين وذات الشمال
1- استخدمى العطور العربية المركز ولا تستخدمى العطور البخاخ الفرنسية .
2- عطرى اطراف الشعر ولا تعطرى المنابت .
3- لا يوجد علاقة للشيب والعطور ... فهذا يعتمد على الشعر ومدى تقبله لظهور الشيب فيه.
4-يستحسن أن يكون الشعر مبللاً بهذه الحاله ستكون الرائحه عالقه بشكل قوي بالشعر .
5- افرشى شعرك على المبخرة وغطيه بلحاف خفيف حتى تحتكر الرائحة فيه .
6- مشطى الشعر .. ولفيه .
7- عند النوم افرديه تجدين الرائحة المطلوبه

يعطيك العافيه سجوده على الموضوع المفيد والحلوة مثلك...

[خــ ج ــل]

يعطيكن الف عافيه وشكر خاااص لاختي النود.....

[زي السكر ..]

يعطيك ألف عافيه يالغلا....

[حور]

ياالغاليه تسلمين انا بعد اعشق اسمه بخور ودهن العود
بس يالحلا ما ذكرتى انواع 00 المسقى 00
ترى واللله عجيييييييييب =

[ام فيصل1]

موضوعكم رووعه

لكن ياليت تكتبون عنوان المحل اللي تشترون منه اذا كان بالحفر
عشان مانفرفر بالاسواق

[لينو]

متابعه ومستمتعه

[الدوحي0]

افضل بخور موجود عند عوض القبيسي في الامارات ومشهور محله واسعار نار ،، وفي بعض العوائل لهاا خلطات خاصه في الامارات ويبيعون القرشه ب 150 ريال هذا الغالي وفي كنه 70 ريال الرخيص ولكن لايوجد في اغلبيه دول الخليج من تميزه وريحته واهلي دوم يشترون من عندهم،، يعطيكم العافيه على البخور،،

[تــــرف]

[font=Simplified Arabic]واااااااااو بصراحة موضوع خييييال واعشق البخور يسلمووووو قلبوووو على الموضوع الرائع مثل روعة ابداعك واحب اضيف اجمل بخوراتي من تجربتي



عود بخور معطر من القرشي استعمال شخصي وللبيت وصراحة استخدمته بزواج اخوي الاغلبية سألت عنه

http://store2.up-00.com/May11/Sqc28089.bmp

ومعمول العنود و فيه نفس علبته معمول الجازي للبيت ررروعة قليل علية من فن العطور [/font]