استاذن الصمت واخر جرح بسبابه --- بعطي قصيدي حقوق يصور احزاني
بشب نار الشعر واحطب من غيابه --- من شان ثلج السكوت يذوب بلساني
جرح سترته وفاء لعيون من جابه --- وجرحن فضحته غلا في يوم هجراني
ضاق الصدر والصبر عاري من ثيابه --- معاد صبري مقاسه قد حرماني
راح العمر والسنين تغير احسابه --- يعني مع الوقت شرط العقد خسراني
مافيه يوم انسرق لي فزت بعجابه --- يثقل دم الظروف وكبوة احصاني
عيا الفرح من ظروفي يفتح ابوابه --- ليت اختصر موتة الضحكه وعزاني
لاوالله اللي سنيني راحت انهابه --- كم حلم راح وخذاه الياس مجاني
كل مابغيت ابتدي سل الزمن نابه ---يعني ابتدي وانتهي في نفس عنواني
لو الزمن يستحي ماطاحت ذيابه --- من طحت حتى الاثر صار يتوطاني
ولو كل من ضاع حظه جاه بطلابه --- ا انا علي ذمتي لو صحت ماجاني
مااقول وجه الردى والطيب متشابه --- لكن اقول الصديق اشبه بعدواني
ماهو كلام التجارب تكشف الغابه --- مافيه لو سال سيلك نبت رماني
مل الصبر من شتات امال كذابه --- يعني حصاد الغلا ياحيف نسياني
انت اعتبر شاعرك مدفون بكتابه --- وانا اعتبر ذكرياتك ورد بستاني
جميع الحقوق محفوظه
غنمان الغانم العنتري
2013