يا ليت الزمان يرجع والليالي تدور
ويرجع وقتنا الاول وننعم في بسطاتنا
نروح للمدرسه بدري ونضحك داخل الطابور
نحاول نزعج العالم بروحتنا وجيتنا
كبرنا وصاارت الدنيا تصف احزانا بالدور
وكل غاارق بهمه وبالاخر تشتتنا
عهدي بها قدام تلبس عبايه ..وانا بعد قبل البس شماغ وعقال !!
طفلين نتهجى حروف الكتابه ..الله يامجمل سواليف الاطفال!!
كانت لنا في كل شارع حكايه..وكنا نقول علوم ماهيب تنقال!!
وكنت اتقاسم مامعاها معايه..من (عسكريم )التوت ل(العلك) ابو ريال!!
وكانت بعكسي شاطره باالقرايه..تقراجزء عم وطه والانفال!!
وانا_لك الله_من مواري غبايه..مدري ابو نقطه هو الذال!!او الدال!!
وكانت لابويه تشتكي من شقايه..وتعلمه كيف اربط الباب بحبال!!
ياما على ظهري كسر من عصايه..يقول لي :خلك وانا ابوك رجال!!
وامي تقول :ادع لولدك الهدايه..خوفي يصيبه كثرة الضرب بهبال!!
لاشفتها مع اول الدرب جايه..مادري انا اللي ملت والا الوطا مال!!
احس قلبي يرتجف في حشايه..ماكنه الا الضيف لاهز فنجال!!
ياما عن (السعلي ) تخبت ورايه..لاخوفوها فيه ثم شافت ظلال!!
تقول :خلك يا (......) معايه..واستانس العب عندها دور الابطال!!
واغااااااااارحتى من عيون اصدقايه..لاطالعوها !!قلت:(تكفوووون ياعيال)!