أخيراً جيت ياشاطر رجعت مخاوي الونــــات
خضعت ودمعك الثاير على الوجنـــه ينــادينـــي
عرفت الحين مقداري دريت إني على النيات
ولاكن مامضا ماضي وأنا الحاضر عناوينـــــــي
نسيت يومك تبكيني نسيت كلمة عديم الذات
نسيت يومي أغصّ باسمك وعلى الغصّه تهنيني
خساره طحت من عيني غدت ميزتك لي سيات
شطبتك من كشوف الحب ودمعي لك يواسيـنــي
صحيح القلب من هجرك كساه الهم واللوعـات
ولكن عزتي ترفضك مهما تصافحك عينــــــــي
نسيتك قالها قلب(ن) يعاني لحضة السكرات
وعلى نعش الهوى كلمة نسيتك من شراييـــني
خلاص مرحومي شيعته بصمتي واندفن بسكات
وتـــقبلت التعازي وأنت ولافكرت تعزينـــــــي
وجايني اليوم متأسف عقب ماتاهت الخطــوات
عقب ماذابت عروقي وليل الياس طاوينـــــــي
أريد الرحيل
العرض العادي
