& النفسيه لدى بعض رجال المرور &

[ناجي الحفراااوي]

بعد الـــتــحـــيــه



رساله لمدير المرور



بحكي لكم القصه على طول


بعد ماكنت قاعد بالبيت وعلى النت مليت منه قلت خلني اتمشى شوي

بالشارع المهم طلعت بالسياره واتصلت علي واحد من اهل القصيم بالحفر

قلت ابيه يسليني بالطريق قاعد اتمشى انا وياه شفت من بعيد نقطة تفتيش

صراحه كنت برجع واخذ فوق تحت قلت لا خلني اروح واشوفهم يمكن شي عادي

بحكي لكم السالفه ::



انا : السلام عليكم

الشرطي : الرخصه والاستماره .. الظاهر ابو الشباب نسى لا يرد السلام

انا : تفضل

الشرطي : السياره باسمك

انا : نعم واسمي والاستماره عندك مكتوب فيها نفس الاسم

الشرطي : طيب اصفط على اليمين .

انا : ابشر.

بعد ماسفطت على الطريق رحت له .

وسألته:

انا : فيه شي ياخوي

الشرطي : لحظه << على طول قاعد يكتب المخالفه الظاهر ناقصهم فلوس

انا : طيب ممكن نتفاهم على شنو المخالفه.

الشرطي : اقولك لحظه << أذن من طين وأذن من عجين

انا : طيب

بعد ماخلص كتابة المخالفه قالي الشرطي

هااااك اخذت المخالفه لقيت ان فيها مخالفه تضليل قلت له ماعندي اي مشكله

بس قلت له شغله ياخوي قبل ماتكتب المخالفه ليش ماقلتلي علشان اعرف

احسن ماتخليني على اعصابي

قال لي ابو الشباب مالك شغل الظاهر يحسبني انا المشتغل عنده

للعلم الشرطي كان عمره يتراوح بين الـ 22 والـ 25

بسرد لكم مادار بيني وبينه


انا : ياخوي ليش معصب

الشرطي : اقول مالك شغل

انا : ادري مالي شغل بس لو تكلمني بنفس حلوه يكون احسن

الشرطي : اقول يالله روح شيل التضليل

انا : مو مشكله بشيل التضليل بس هدي اعصابك

الشرطي : مالك شغل باعصابي.

بعدها رحت وشلت التضليل رجعت له وقلت له شي ثاني يالحبيب

عطاني ظهره ومشى...


رجعت للسياره وصاحبي الي من القصيم موجود فيها ومشينى

واهو يسولف معاااي يقول قسم بالله اول مره اشوف شرطي


نفسه براس خشمه قلت له ياخوي هذا نقطه من بحر




الحين لهدرجه كل واحد يصير من المرور يكون نفسه برأس خشمه

ولا يكلم من هو اكبر منه او اصغر منه باسلوب اكثر لباقه

انا ماطلبت شي مو مشكله يعطيني المخالفه بس النفسيه التعبانه


ليش مدري.



اتمنى من مدير المرور العثور على علاج يهدئ النفسيه التعبانه لدى بعض

رجال المرور وانصحه بعلاج Sedation لتهدئة الاعصاب..



لكي يعاملو الناس مثلما يعاملوهم.....




تحياااتي لمرور حفرالباطن...

[ناجي الحفراااوي]

اقتباس: 1. لايرى من إدارته وخصوصاً الضباط وصف الضباط الكبار بالرتب وبالسن ..أقول لايرى منهم قدوه يقتدي بها. 2. لم يتلق التدريب الكافي على التعامل مع الناس 3. ظروف العمل في إدارته بالتأكيد سيئه 4. من تعطل في إكمال مسيرته التعليميه توجه الى الوظائف العسكريه , وهذا مفهوم خاطىء لأن السلك العسكري شرف مابعده شرف.

والمصيبه اخوي ابن البلد


الاخطاء هذي تطيح براس الناس


وانا يا ابن البلد قبلتها وشلتها عندي علشان اتذكرها مستقبلاً




شكراً لك على المرور اخي وصديقي ابن البلد..

[ولد حي العميرية]

خلها على ربك وش تقول وماتقول

اخوي مثل ماقلت انت نقطه في بحر الموقف وخاصتأ بالحفر

اخوي والله لو اقولك مواقف يشيب به راسك

بس بعطيك موقف حصل معي

1_ كنت موقف بجنب الرصيف يعني موقفي سليم ميه ميه

علشان جاني اتصال مهم جدأ وانا من طبعي اذا جاني اتصال

اوقف بجنب الرصيف يعني حركتي المفروض يعطوني عليها المرور

شهاده على حسن تعاملي

تتوقع وش صار !!!!!!!!!!!!!!!!!

ماحسيت الا المرور عكس السيد وجاني مسرع

وصار دريشته مقابل دريشتي فتحت اول كلام له

الرخصه والاستماره !!

طيب هو جالس بمكانه بسيارته يبي انزل له !!

قلت طيب تامر امر وانا اطلع الرخصه والاستماره ولا نزلت

لني عارف وش حقوقي كامواطن وش حقوق هذا الشرطي

تصدق مانزل يقول لي انزل وعطنياها !!

بكل براده اسف اخوي انت الي جايني وموقفني وانت المفروض

تنزل هذا قانونك الا اذا ماتحترم قانونك اجل اشلون تبون المواطنين

يحترمون قوانينكم وانتم ماتحترموها

لو تشوف وجه اشوي ولا ينفجر من الغضب حمر وجه تقل معلم شورما

والله قلت بقلبي اكيد يبي يسوي شي او يبي يغلط بس وربي الي

خلقني العين بالعين والسن بالسن مو علشان يلبس بدلت الحكومه

يستعبد الشعب على كيفه انا حر ولد حر

المهم نزل وهو خوش رجال واخذ الرخصه قال انزل قلت اوكي

نزلت راح يفتش السياره قطعه قطعه يبي يقهرني بس حاول يصيد على

شي مالقا شي ماني مخالف بي شي

المهم قال شعندك واقف هني قلت جاني اتصال مهم وقفت

علشان ماسرحه بوسط زحمة السيارات

قلت له المفروض بدل ماتزعل تشكرني على هالشي مو تزعل

شهادة حق عجز يقول شي الا كلمة ( بارك الله فيك )

ومشا

اخوي الي ابي اوصله اننا كمواطنين مانعرف حقوقنا كمواطنين

ولانعرف حقوق رجال الامن

يعني يوم شافني عارف كل شي ماقدر بكل بساطه ماقدر يسوي شي

حتى لو قدر يخالفني مراح اسكت راح اشتكي على الادعاء العام

ياخذون حقي منهم

هذا ابسط مواقف رجال المرور

[خالد الداؤد]

ناجي

إحمد ربك صفت على مخالفة .

وبعدين ليش تظلل السيارة . أكيد أنت مخالف

وأكيد إنت شينت النفس عليه . وصرت تغلط على رجل الدولة اللي حافظ أمننا .


أقول عطني رقم المخالفة يا عيون الطاروق . وأبشر باللي يطيحها عنك .

ولا تغلط على رجال الأمن مره ثانية . لأنهم يحبوننا ويحموننا ويعطونا مخالفات .

[عاشق الحور]

اخوي ناجي
تعرف انا كنت طالع من الدمام لمطار الملك فهد وحصلت لي نفس المشكله بس
تختلف عنها نوعا ما
المهم لما جاء العسكري قال انت مخير اما انك ترفع التظليل او اننا نعطيك مخالفه قلت اخف الضررين نشيل التظليل والحمد لله مشيت ولم يعطين مخالفه ونفسيته ممتازه

[ناجي الحفراااوي]

ولد حي العمري


يعطيك العافيه اخوي على حرصك على تنفيذ الاوامر المروريه


فاسلوبك في قيادتك للسياره يدل على حسن وعيك .


ولكن اخي العزيز الله يعينك عليهم


ربما في المره الاخرى حاول انك تاخذ تلفونك

وتلكم الشخص امام مكتب مدير المرور ..


يعطيك العافيه على المرور..

[ناجي الحفراااوي]

اخوي الطاروق


انا ماعندي اي مشكله في المخالفه


وادري اني مخالف في التضليل


بس الا يمكن ان يكون هناك اسلوب راقي في التعامل مع الاشخاص..


بعدين يالغالي انا ماشينت النفس ولا شي


انا من طبعي اني هادي سواء امام الشرطي او غيره من الناس.

اقتباس: وصرت تغلط على رجل الدولة اللي حافظ أمننا

اهني انت اتهمتني بشي والله اني ماسويته

اتمنى منك التأكد من المرور قبل ما تكتبه.


اما بخصوص رقم المخافه


انا لي يوم بروح لهم واحاول اسددها.

لانها يمكن تفيد المرور مستقبلاً..


وشكراً على مرورك يالغلا..

[ناجي الحفراااوي]

اخوي عاشق الحور



هلا فيك يالغلا


هذي الناس الي تفهم


مو الي حاطينهم عندنا كل واحد براسه مليون جني..

[أبـو عـــزوز]

[align=center]ناجي الحفر


ياقلبي والله أنهم صدقو ( طاش ماطاش )

الـمــــــــجــــــــــــرم


الواحد منهم ( جندي ) تقول ضابط

لكن مانقول الله يهديم أنشالله [/align]


[align=center]أخوك أبـو عــــــــزو[/align]

[أبـو عـــزوز]

[align=center]ناجي الحفر

ياقلبي والله أنك صدقو ( طاش ماطاش )

الــمـــجـــــــــــــــرم

( كـذيــا كـذيــا )

الواحد يجي ( جندي ) توه متخرج تقول ظابط

المفروض ياخي فيه دورات مخصصة لمعاملة
المواطنين والمقمين لأن انت يالعسكري تعتبر
واجهة الوطن , يعني تنقل صوره للوطن .

لكن أدعو لهم بالهداية

( خله يطعج توه متخرج )

ههههههه هههههههه


أخوك أبـو عـــــــــــزو[/align]