ياناس شوفو لي عن الحب دكتور
ان كان لهل الحب دكتور واعلاج
مابيه يعطيني من الراي والشور
فاتت على اهل الراي ماعاد يحتاج
ابيه يدخل داخل القلب ناظور
ويشيل من وسط المعاليق مغناج
غروً سبا عقلي وانا منه مخطور
يالله تصبرني على كل منهاج
عين اشقرً ضف الجناحين بحدور
ماكنه الا بالمهمات ميراج
والخد براق شعى الارض بالنور
رعادها جاء له على الارض رهاج
كن الحلاء في مبسم الترف منثور
واليا هرج بانن ثمانن من العاج
يا لايمي باللوم منته ابمعذور
الكبد يصلاها من الحب وهاج
والله يلو ماني من الحب ممرور
ما ابيح مكنونن له اضلوعي اسياج
الرااسي