[align=center]السلام عليكم ورحمة الله وبركاته
كلبٍ على الذيب .. سيد
والكل بكرامه
يابنـت حـبـك مـالـه الـيـوم .. اعـمـاد
هـذا فراقـي .. جـاك موقـع .. ومعـمـود
والشوق : اللي فـي ( كفوفـك ) تـرى نـاد
اليوم ب. ( كفـوف المنايـا ) .. تـرى ينـود
كان ( الخيانه ) .. بناظرك تحسـب امجـاد ..
أنشـهـد إنــك حـاصـدٍ كــل الإمـجـود
ماجيت انا اشكـي غربتـي .. لحفنـة اعبـاد
جيـت اشتكـي لـرب .. المخاليـق معـبـود
انـا حكمـت ( الضيـم ) والحكـم لـي سـاد
وذاك الطريـق اللـي لـه الحـب : مـسـدود
والقاضي اللي بحكمـه .. الشيـن قـد ، حـاد
انهـى حياتـي ( ظلـم ) إلـى ابعـد حــدود
يابنـت : جرحـي مشتعـل داخـلـي اوقــاد
اربـع شـمـوعٍ اشعـلـه داخـلـي وقــود
اربــع سنـيـنٍ .. كنـهـا يــوم مـيـلاد
اربـع سنيـنٍ .. داخلـي جــرح مـولـود
اربـع سنيـنٍ .. حاكهـا الضيـم ، ثـم شـاد
ذكـرى الـوداع اللـي لـه القلـب مشـيـود
لـي بالاسـى .. يابنـت مـوقـف وميـعـاد
ولك بالرغد / والزين / حلـفٍ / مـع عهـود
مـانـي بــراوي ب.المجالـيـس قـصـاد
ولاهمنـي قــرشٍ / ولا الـمـال مقـصـود
لـي بالقـوافـي قـومـةٍ تتـبـع .. اقـعـاد
لـه هيبتـه لاصـار : واقـف مــع قـعـود
كـل القرايـح لـو تجـي بكـلِ .. مـا جـاد
مـا ادور الموجـود ، انـا اعطيهـم الـجـود
شاعـر ,, وقافـي ,, منـي اليـوم اعـتـاد
يطغى علـى القيفـان ,, كمـا كـان موعـود
مثلـي فـلا والله تـرى صـعـب : ينـقـاد
مثلـي تـرى دايـم علـى .. مثلـك ايـقـود
واللـي كتـب ربـي لــه الـشـر و اراد ..
يجيـه انـا قافـي ، وكـل قــاف مــردود
وان كان مثلك ( يابس الـراس ) .. عقـاد ..
احـل انـا زمالـك .. ولـو كــان معـقـود
وان كانـه اسهـاد مالهـا معـنـى ومـهـاد
ابغـى ارص الشطـر ب.سـهـود ومـهـود
واللـي تعثـر فـي طــرف كــل الإبــلاد
هـذا كفيـف الشـوف ، واحسـاس مبـلـود
والـلـي تعـنـى يــم دروبــي ونـشـاد
ثـق إن اسمـه ب. ( المعاليـق ) منـشـود
واللـي توكـل عـن دروبــي ولا عــاد ..
ثـق كـل قصـابٍ .. ولـه كلـب و يـعـود
واللي اكل من ( صيد ) غيـره .. ولا صـاد ..
مابـه غرابـه لا قضـا الليـل .. مصـيـود
لا فـايـدي عـايـد .. ولا عـايـدي فــاد
ولا عـاد بـه قومـه ,, ولا عـاد بـه فـود
يامـا غيومـي اشهقـت .. بـرق / ورعـاد
ولا عدهـا تـبـرق ،، ولا كنـهـا رعــود
يامـا عرفـت النـاس إلا حـد مـا كــاد ..
ياقف شعر راسـي ،، وانـا امـوت يـا كـود
ويـا كثرهـم لا قلـت : لـي اعـداء / نقـاد
وانا ( أكسـر اقدامـي ) .. قبـل كـل منقـود
ويـا قلهـم لاقلـت : لـي صـاحـبٍ فــاد
وانا احسب إنه ب. ( الشدايد ) .. لـي ايفـود
انـا ( فهـد ) .. يابنـت مـانـي ب.فـهـاد
مـا اخـاوي ذيابـه .. ولا اخـاوي فـهـود
ولا اخـاوي اللـي يـدعـي أبــوه : ب.داد
شايـب ومدلـع .. وهـو يـب ياكلـه الـدود
ولا اخاوي اللـي ب. ( المراجـل ) تـرى زاد
اللـي رصيـده مانقـص فـيـه .. ايــزود
يعني ( انطوائـي ) حيـل / مجنـون / كـداد
من بعد ماكـان ( الوفـاء ) عنـدي : مكـدود
بعطيـك انـا يـا بنـت لـي عـدة اشـهـاد
فكـره حديثـه .. والفلاسـف تـرى شهـود
القـرد .. بعيـن امـه .. تـرى يبقـى قـراد
يعنـي تـرى ( تكبيـر فـردٍ ) مـن قــرود
يعنـي طبيعـي .. لــو انـاديـك اعـهـاد
وانتـي بنـيـه .. اسمـهـا الاول عـهـود
حكمـة الدنـيـا : بـيـدّك صــرت انـقـاد
صرتي علـي سيـد / علـي صرتـي اتقـود
مـا احـاول اتفلسـف .. ولا ابـذل اجـهـاد
سهلـه القضـيـه ماتـبـي / اي مجـهـود
ماهي غريبه .. لو تكونـي مـن .. اسيـاد ..
في وقتنا ( الكلب ) .. على ( الذيب ) .. مسيود
.
.
.
فهد خلف الشمري[/align]
العرض العادي
